Кытай-Кыргызстан-Өзбекстан темир жолунун куруучуларына айып пул салынды (фото)

Кытай-Кыргызстан-Өзбекстан темир жолун курууда экологиялык талаптарды бузгандыгы үчүн кошумча жазалар салынды. Бул тууралуу Жаратылыш ресурстар министрлигине караштуу Экологиялык жана техникалык көзөмөл кызматы билдирди Башкармалыктын маалыматы боюнча, курулуш объектилерин пландан тышкаркы текшерүүдө экологиялык мыйзам бузуулардын 30 фактысы аныкталган. Тартип бузуулар боюнча 4 протокол түзүлүп, жалпы суммасы 107 миң сомдук айыптар салынып, подрядчыларга аныкталган мыйзам бузууларды четтетүү жана аймактарды талаптагыдай санитардык абалга келтирүү боюнча көрсөтмөлөр берилди Ачык булактарда жайгаштырылган материалдарды андан ары мониторингдөө жана кароонун алкагында инспекторлор айрым курулуш объектилеринде кошумча жеринде текшерүү жүргүзүштү. Ал эми Сузак районундагы Кара-Алма токой чарбасынын Урум-Баш участкасына курулуш компаниясы таштандыларды мыйзамсыз ташып жатканын аныкташкан. Жол берилген мыйзам бузуулар үчүн тогуз тартип бузуу протоколдору түзүлүп, 227 миң сом өндүрүлгөн Учурда мыйзамсыз ташталган таштандылар толугу менен чыгарылды. Жооптуу адамдарга экологиялык мыйзамдардын талаптарын так сактоо боюнча түшүндүрүү иштери жүргүзүлдү Жаратылыш ресурстары министрлиги жеке жана юридикалык жактарды айлана-чөйрөнү коргоо жаатындагы экологиялык стандарттарды жана мыйзам талаптарын сактоого, ошондой эле жаратылыш ресурстарын сактоо маселелерине жоопкерчиликтүү мамиле кылууга чакырат