Özbəkistan və Çin birgə logistika mərkəzi layihəsini nəzərdən keçirir

TAŞKENT, Özbəkistan, 29 aprel. Özbəkistan və Çin şirkətləri müasir logistika mərkəzinin yaradılması planlarını müzakirə ediblər Məsələ Nankində Özbəkistanın İnvestisiya, Sənaye və Ticarət nazirinin müavini İlzat Kasımovun başçılıq etdiyi nümayəndə heyəti ilə SOHO Holding Group-un nümayəndələri, həmçinin Jiangsu əyalətinin logistika, ticarət və ipəkçilik sahələrində fəaliyyət göstərən on iri şirkəti arasında keçirilən görüşdə nəzərdən keçirilib Tərəflər həmçinin Cizzax vilayətində və Qaraqalpaqıstan Respublikasında mövcud ipəkçilik klasterlərinin genişləndirilməsini və yeni müəssisələrin istifadəyə verilməsini müzakirə ediblər Bundan əlavə, görüşdə Yeni Daşkənddə müasir yaşayış komplekslərinin inkişafı da daxil olmaqla, yaşayış binalarının tikintisi sahəsində əməkdaşlıq perspektivləri müzakirə edilib Danışıqlardan sonra iştirakçılar təklif olunan təşəbbüslərin və birgə layihələrin həyata keçirilməsi üçün strateji yol xəritəsi barədə razılığa gəliblər Bu arada, Çinin Özbəkistana investisiyası 15,8 milyard dollara çatıb və 2026-cı ildə bu rəqəmi 21 milyard dollara çatdırmağı planlaşdırır. 2025-ci ildə Özbəkistan və Çin arasında ikitərəfli ticarət 17,8 milyard dollar təşkil edib ki, bu da illik müqayisədə 34% çoxdur və hər iki tərəf yaxın müddətdə 20 milyard dolları hədəfləyir