TIV: Azov dengizida 25 Ozarbayjon fuqarosi boʻlgan ikkita xorijiy yuk kemasiga dron hujumi uyushtirildi, 5 nafar Ozarbayjon fuqarosi halok boʻldi

Bugun tunda bortida jami 25 nafar Ozarbayjon fuqarosi boʻlgan ikkita xorijiy yuk kemasiga dron hujumlari uyushtirildi Bu haqda TIV matbuot xizmati departamenti rahbari Ayxan Hajizoda Azov dengizida Ozarbayjon fuqarolari bo‘lgan kemalarning o‘qqa tutilishi haqidagi APA so‘roviga javoban ma’lum qildi Uning aytishicha, gap ketayotgan kemalar Ozarbayjon davlatiga tegishli emas “Rossiyadan hujum oqibatida jami 5 nafar mamlakatimiz fuqarosi halok bo‘lgani, 3 nafari jarohatlangani haqida tegishli ma’lumotlar kelib tushdi.Jarohatlanganlar Yeysk shahar shifoxonasiga yotqizilgan Ayni paytda Tashqi ishlar vazirligi tomonidan tegishli davlat muassasalari, mamlakatimizning diplomatik vakolatxonalari, shuningdek, tegishli davlatlarning vakolatli muassasalari bilan muvofiqlashtirish ishlari olib borilmoqda. Voqea joyiga Rossiyadagi elchixonamizning bir necha xodimlari jo‘nab ketishdi. Fuqarolarimizning ahvoli, ularning yurtga qaytishi, zarur konsullik yordami ko‘rsatilishi e’tiborda Halok bo‘lganlarning oila a’zolari va yaqinlariga chuqur hamdardlik bildiramiz, jarohatlanganlarning tezroq sog‘ayib ketishini tilaymiz”, — dedi TIV rasmiysi Eslatib o‘tamiz, 5-iyunga o‘tar kechasi Azov dengizining Taganrog ko‘rfazida “Natra” va “Zirkon” yuk kemalariga uchuvchisiz samolyotlar hujum qilgan edi