O‘zbekiston va Belarus texnik jihatdan tartibga solish sohasida hamkorlikni kengaytirmoqda

Uchrashuvda tomonlar O‘zbekiston-Belarus hukumatlararo komissiyasi majlislarida qabul qilingan qarorlar ijrosi, yuqori darajada erishilgan kelishuvlarning ijrosi, ikki davlat uchun strategik ahamiyatga ega bo‘lgan sohalardagi hamkorlik istiqbollarini atroflicha ko‘rib chiqdilar Tomonlar so‘nggi yillarda savdo-iqtisodiy aloqalar izchil rivojlanib borayotganini ta’kidladilar Xususan, 2025-yil oxiriga kelib O‘zbekiston va Belarus o‘rtasidagi o‘zaro tovar ayirboshlash hajmi 25 foizga oshib, qariyb 1 milliard dollarga yetdi. Joriy yilning yanvar-mart oylarida tovar ayirboshlash hajmi qariyb 50 foizga o‘sib, 259,7 million dollarni tashkil etgani ikki davlat o‘rtasidagi iqtisodiy munosabatlar izchil rivojlanib borayotganidan dalolatdir Muloqot davomida sarmoyaviy hamkorlik natijalari ham muhokama qilindi. Bugungi kunga qadar O‘zbekistonda 245 ta Belarus kapitali ishtirokidagi korxona, Belarusda esa 110 ta o‘zbek kapitali ishtirokidagi korxona samarali faoliyat ko‘rsatmoqda Bundan tashqari, ikki davlat oʻrtasidagi qoʻshma loyihalar portfeli 341 million dollarni tashkil etishi taʼkidlandi Amaldagi texnik reglamentlarni xalqaro tajribani hisobga olgan holda takomillashtirish yuzasidan fikr almashildi. Asosiy e'tibor past kuchlanishli uskunalar xavfsizligini tartibga soluvchi texnik reglamentni qayta ko'rib chiqishga qaratildi. Shuningdek, elektrotexnika mahsulotlarini sertifikatlashtirish sohasida hamkorlikni kengaytirish istiqbollari muhokama qilindi Uchrashuv yakunida tomonlar erishilgan kelishuvlarni belgilangan muddatlarda bajarishga tayyor ekanliklarini tasdiqladilar hamda hamkorlikni davom ettirish va chuqurlashtirish niyatlarini bildirdilar Sh. Mamaturopova, O‘zA