Qozog‘istonning sobiq prezidenti matbuot kotibi: Nazarboyev siyosat bilan shug‘ullanmaydi

Qozog‘istonning sobiq prezidenti Nursulton Nazarboyev bir vaqtlar o‘zi asos solgan “Amanat” partiyasiga a’zo emas va hozirda unda sodir bo‘layotgan o‘zgarishlarga hech qanday aloqasi yo‘q. Bu haqda Nazarboyevning matbuot kotibi Aydos Ukibay Ozodlik radiosining qozoq xizmati so‘roviga javoban ma’lum qildi "Nursulton Abishevichning [partiyaga] nima aloqasi bor? U 2019 yilda [Qozog‘iston prezidenti] lavozimidan ketgan", - dedi Ukibay. Unga ko‘ra, Nazarboyev hozir siyosat bilan shug‘ullanmaydi Qozog‘istonni 30 yilga yaqin boshqargan Nursulton Nazarboyev 2019-yilda prezidentlikdan ketdi. Biroq u Xavfsizlik kengashi rahbari va “Nur Otan” (hozirgi Amanat) partiyasi raisi lavozimlarini 2022-yilning yanvar voqealariga qadar saqlab qoldi Partiya Nursulton Nazarboyev tomonidan 1999 yilda “Otan” nomi bilan tashkil etilgan. 2006-yilda tashkilot nomi “Nur Otan” deb o‘zgartirildi, 2007-yilda esa Nazarboyev rasman uning raisligiga kirishdi. U bu vazifani 2022 yilgacha uzluksiz bajargan 2022-yil 28-yanvarda partiya nomi o‘zgartirildi va prezident Qosim-Jomart Tokayev uning raisi bo‘ldi. Keyinroq Konstitutsiyaga prezident siyosiy partiyaga a’zo bo‘lmasligi kerakligi to‘g‘risidagi qoida kiritildi, shundan so‘ng Tokayev Amanat raisi lavozimini tark etdi Ayni paytda “Amanat” partiyasi yangi “Adilet” partiyasi bilan birlashish qarorini muhokama qilayotgani ma’lum bo‘ldi. Siyosiy kengashning 6 iyun kuni boʻlib oʻtgan favqulodda yigʻilishi shu masalaga bagʻishlangani xabar qilingandi. Bu maʼlumotni parlament deputati, partiya siyosiy kengashi byurosi aʼzosi Erlan Sairov tasdiqladi “Adilet” 2026-yilda tashkil etilgan. U o‘zini “Adolatli Qozog‘iston” (bu atama Qozog‘iston Prezidenti Tokayev kiritgan – tahrir) qurish, qonun ustuvorligi, davlatning fuqarolar oldidagi mas’uliyati, vatanparvarlik va bosqichma-bosqich islohotlarni qo‘llab-quvvatlovchi markazlashgan siyosiy kuch sifatida namoyon etadi. Qozog‘iston prezidenti ma’muriyatining sobiq rahbari Aybek Dadebay partiya raisi etib saylandi Azattyk Asia © 2026 RFE/RL, Inc. | Barcha huquqlar himoyalangan