Azov dengizida halok boʻlgan va yaralangan ozarbayjonliklar haqidagi maʼlumotlar yangilandi

5-iyun kuni Azov dengizida dron zarbalari natijasida “Natra” va “Zirkon” yuk kemalari bortida halok bo‘lgan va yaralangan Ozarbayjon Respublikasi fuqarolarining soni va shaxsiga aniqlik kiritildi Day.Az Tashqi ishlar vazirligiga tayanib xabar berishicha, yangilangan maʼlumotlarga koʻra, kemalarda boʻlgan 25 nafar Ozarbayjon fuqarosidan 4 kishi yaralangan, yana 4 kishi halok boʻlgan Shuningdek, avvalroq vafot etgani haqida xabar berilgan qurbonlardan biri Ozarbayjon fuqarosi emasligi va kelib chiqishi ozarbayjonlik ekanligi aniqlangan. U Rossiya fuqarosi bo‘lib chiqdi Qayd etilishicha, halok bo‘lgan Ozarbayjon fuqarolari 1976-yilda tug‘ilgan Rajab Axadov va 1997-yilda tug‘ilgan Muhammad Aliyevning jasadlari topilgan. Jasadlarni Ozarbayjonga jo‘natish choralari ko‘rilmoqda "Eksipaj tarkibida avvalroq halok boʻlgan deb eʼlon qilingan yana ikki nafar Ozarbayjon fuqarosi boʻlgan “Zirkon” kemasi portlash xavfi tufayli voqea joyida qolayotganini taʼkidlaymiz. Rossiya qutqaruv xizmatlari kemani portga tortib olish uchun xavfsizlik choralarini koʻrmoqda. Ikki fuqaroning taqdiri haqida aniq maʼlumotni qidiruv-qutqaruv ishlari yakunlanganidan keyingina olish mumkin Yeysk shahar shifoxonasiga yotqizilgan jabrlanuvchilar 1998-yilda tug‘ilgan Samid Ibadzoda va Rashad Madatxonov allaqachon uyga chiqarilgan. 2002-yilda tug‘ilgan Emin Valehov va 1999-yilda tug‘ilgan Namig Jafarlining ham ahvoli yaxshi, ular davolanib, shifoxonadan chiqariladi Voqea joyida Rossiyadagi elchixonamiz vakillari bo‘lib, fuqarolarimizga zarur yordam ko‘rsatish choralari ko‘rilmoqda. Barcha fuqarolarimiz Yeisk shahridagi mehmonxonaga joylashtirilgan va oilalari bilan aloqada. O‘z vataniga qaytish niyatida bo‘lgan va hujjatlari yo‘qolgan fuqarolarga qaytish to‘g‘risida tegishli guvohnomalar berildi Halok bo‘lganlarning oila a’zolari va yaqinlariga yana bir bor chuqur hamdardlik bildiramiz”, — deyiladi departament xabarida Matnda xatolikni sezdingizmi? Matnni tanlang va klaviaturangizda Ctrl + Enter tugmalarini bosib, bizga xabar bering