Yoshlarni mas'uliyatli lavozimlarga tayinlashdan qo'rqmaslik kerak - Prezident

O‘zbekistonda iqtidorli yoshlar ko‘p. Vazirlar, hokimlar yoshlarga ishonib, ularni mas’ul lavozimlarga tayinlashdan cho‘chimasliklari kerak. Prezident Shavkat Mirziyoyev bugun, 30-iyun kuni yoshlar bilan uchrashuvda shu haqda gapirdi Yoshlar uchun kasb va til o‘rganish, bandlik va tadbirkorlik kabi yo‘nalishlarda o‘nlab xizmatlar ko‘rsatilayotgani ta’kidlandi. “Yagona darcha” tamoyili asosida ushbu xizmatlardan foydalanish uchun yoshlar markazlari tashkil etiladi. Bu tajriba Surxondaryodan boshlanib, bosqichma-bosqich boshqa viloyatlarga ham yoyiladi Ayni paytda mamlakatimizdagi 87 ming nafar davlat xizmatchisidan 16,5 ming nafari 30 yoshgacha bo‘lgan yoshlardir. Ulardan 902 nafari rahbarlik lavozimlarida ishlaydi “Bizda iqtidorli yoshlar ko‘p, vazirlar, hokimlar yoshlarga ishonib, ularni mas’ul lavozimlarga tayinlashdan qo‘rqmasliklari kerak”, dedi Prezident Shu maqsadda yosh yetakchilarni aniqlash bo‘yicha beshta yo‘nalish bo‘yicha TOP-100 dasturi amalga oshiriladi. Dastur doirasida O‘zbekiston yoshlari va xorijdagi vatandoshlar uchun yangi iqtisodiyot, IT va sun’iy intellekt, ta’lim, tibbiyot va qishloq xo‘jaligi yo‘nalishlari bo‘yicha ochiq tanlov e’lon qilinadi Musobaqa har ikki yilda bir marta o'tkaziladi. Uning 100 nafar g‘olibining har biri 50 million so‘mdan mukofotlanadi va rahbarlik lavozimlariga tayinlanadi Har bir vazirlik va sektor o‘z sohasi bo‘yicha TOP-100 ta iqtidorli yoshlar dasturini yo‘lga qo‘yadi va saralangan yoshlarni tegishli xalqaro tashkilotlarga amaliyot o‘tashga yuboradi Har yili 2 ming nafar yoshni xalqaro tashkilotlarga amaliyot o‘tashga yuborish rejasini tasdiqlash va ijrosini ta’minlash mutasaddilariga topshirildi