Shavkat Mirziyoyev ota-onalarga murojaat qilmoqda

Ota-onalar o‘z farzandlarini tarbiyalashda har qachongidan ham e’tiborli va mas’uliyatli bo‘lishlari kerak. Prezident Shavkat Mirziyoyev bugun, 30-iyun kuni yoshlar bilan uchrashuvda shu haqda gapirdi Giyohvandlik vositalari va psixotrop moddalar bilan bog‘liq jinoyatlar millat genofondiga jiddiy tahdid solayotgani ta’kidlandi. Bunday jinoyatlarning uchdan bir qismi yoshlar tomonidan sodir etilayotgani, ayniqsa, tashvish uyg‘otadi Shu bois O‘zbekistonda giyohvandlik va giyohvandlik bilan bog‘liq jinoyatlarga qarshi kurash umummilliy harakatga aylantirilib, barcha kuch va vositalar safarbar etilmoqda Yaqinda mazkur jinoyatlar uchun javobgarlikni keskin kuchaytiruvchi qonun qabul qilindi “Biz yoshlarimiz orasida bu illatning ildiz otishiga hech qachon yo‘l qo‘ymaymiz, uni butunlay yo‘q qilmagunimizcha to‘xtamaymiz Giyohvandlik insonni eng qimmatli boyliklari - sog'lig'i, aqli, irodasi, orzulari va maqsadlaridan mahrum qiladi Eslab qoling! Hayot insonga bir marta beriladi. Bunday illatlarga murosasiz bo‘ling, umringizning har bir daqiqasini ezgu ishlarga bag‘ishlang”, — dedi Prezidentimiz yoshlarga murojaatida Davlatimiz rahbari ham ota-onalarga murojaat qilib, farzandlar oilada ulg‘ayib, kamol topishi, ularning yorug‘ kelajagi uchun mustahkam poydevor, avvalo, ota-onalar tomonidan yaratilayotganini alohida ta’kidladi. U ularni har qachongidan ham ehtiyotkor bo‘lishga va bugungi o‘ta nozik va tez o‘zgarib borayotgan sharoitda farzandlarini tarbiyalashda katta mas’uliyatni o‘z zimmasiga olishga chaqirdi