Oʻzbekistonda iyul oyida havo harorati meʼyordan yuqori boʻladi

Oʻzbekistonda joriy yilning iyul oyida havo harorati meʼyordan yuqori boʻlishi, ayrim hududlarda Selsiy boʻyicha 45 darajagacha issiq boʻlishi kutilmoqda. Bu haqda O‘zgidromet tomonidan e’lon qilingan ob-havo ma’lumotida aytildi Prognozga ko‘ra, iyul oyining birinchi besh kunida havo harorati kunduzi 30-35 daraja atrofida, janubda 36-39 daraja issiq bo‘ladi. Shundan so‘ng havo harorati asta-sekin ko‘tarilib, oyning birinchi o‘n kunligi oxiriga kelib 37-40, janubiy viloyatlarda esa 41-43 darajagacha issiq bo‘ladi Oyning qolgan kunlarida havo harorati kunduzi asosan 33-43 darajani tashkil qiladi. Mamlakatning shimoliy, cho‘l va janubiy viloyatlarining ayrim hududlarida havo harorati 45 darajagacha ko‘tarilishi mumkin. Kechasi havo harorati 20-25, janubda 25-27, shimoliy va cho‘l hududlarida 27-30 daraja issiq bo‘lishi kutilmoqda O‘zgidrometning xabar berishicha, iyul oyida o‘rtacha havo harorati iqlim me’yoridan 1,5-2 daraja yuqori bo‘ladi. Janubda bu ko‘rsatkich 2-2,5 daraja issiq bo‘lishi kutilmoqda, shimoliy va cho‘l hududlarida esa 2,5-3 darajagacha issiq bo‘lishi mumkin Iyul oyida respublikaning aksariyat hududlarida asosan quruq havo saqlanib qoladi. Faqat ayrim kunlarda tog‘ oldi va tog‘li hududlarda qisqa muddatli yomg‘ir yog‘ib, momaqaldiroq bo‘lishi mumkin. Oylik yogʻingarchilik miqdori meʼyordan kam boʻlishi kutilmoqda Eslatib o‘tamiz, avvalroq 29-iyun kuni Toshkentda kuchli shamol tufayli chang ko‘tarilishi mumkinligi xabar qilingandi