Bitiruvchilarni ishga qabul qilgan tadbirkorlarga soliq imtiyozlari beriladi

O‘zbekistonda oliy o‘quv yurtlari bitiruvchilarini ishga qabul qilgan tadbirkorlar bir yil davomida daromad solig‘i va yosh mutaxassislar uchun 1 foiz stavkada ijtimoiy soliq to‘laydi. Bu haqda Prezident Shavkat Mirziyoyev bugun, 30-iyun kuni yoshlar bilan uchrashuvda ma’lum qildi Shuningdek, ayni paytda Ijtimoiy reyestrga kiritilmagan, lekin ota-ona qaramog‘idan mahrum bo‘lgan, harbiy xizmatdan qaytgan, mehnat migratsiyasidan qaytgan, jazoni o‘tagan yoki nogironligi bo‘lgan yana 1 million nafar yoshlar borligi qayd etildi. Ularni qo‘llab-quvvatlash uchun “Kafolatlangan birinchi qadam” paketi joriy etiladi Ushbu paket doirasida uyushmagan yoshlarni “ustoz-shogird” dasturi bo‘yicha o‘qitib, ularning oliy o‘quv yurtlariga kirishiga ko‘maklashuvchi talabalar magistraturaga hujjat topshirishda qo‘shimcha ball oladi va davlat stipendiyalarini olishda ustuvorlik beriladi Prezidentimiz savdo, xizmat ko‘rsatish va ishlab chiqarishda o‘z brendini yaratgan yosh tadbirkorlarni tengdoshlariga biznes yuritishni o‘rgatishga chaqirdi. Shu maqsadda “Yoshlar mini-franshizasi” dasturi ishga tushiriladi Dastur doirasida o‘z faoliyatini kengaytirayotgan yosh tadbirkorlarga imtiyozli shartlarda yer uchastkalari va kreditlar ajratiladi. Mahalliy brendlardan franchayzing olgan yigit-qizlarga “Yoshlar tadbirkorligi” jamg‘armasi mablag‘lari hisobidan 300 million so‘mgacha foizsiz kreditlar ajratiladi Ushbu dasturlarni moliyalashtirish uchun 500 milliard so‘m yo‘naltirilishi ma’lum qilindi Avvalroq O‘zbekistonda kasb-hunar o‘rganayotgan yoshlarga foizsiz kredit ko‘rinishidagi kasbiy yo‘llanmalar berilishi xabar qilingandi