Shavkat Mirziyoyev Jahon banki vitse-prezidentini qabul qildi

O‘zbekiston Prezidenti Shavkat Mirziyoyev 29-iyun kuni Jahon bankining “Shveytsariya saylov okrugi”ga a’zo davlatlar yig‘ilishida ishtirok etish uchun mamlakatimizda bo‘lib turgan Jahon bankining Yevropa va Markaziy Osiyo bo‘yicha vitse-prezidenti Antonella Bassani boshchiligidagi delegatsiyani qabul qildi. Bu haqda prezident matbuot xizmati xabar berdi Qayd etilishicha, Antonella Bassani davlatimiz rahbariga Jahon banki prezidenti Ajay Banganing salomi va ezgu tilaklarini yetkazgan Uchrashuvda Yangi O‘zbekistonda amalga oshirilayotgan tarkibiy islohotlarning ustuvor yo‘nalishlarida Jahon banki guruhi bilan strategik hamkorlikni keng rivojlantirish masalalari muhokama qilindi Keyingi yillarda ushbu nufuzli xalqaro moliya instituti bilan ikki tomonlama munosabatlar va konstruktiv sheriklik misli ko‘rilmagan darajaga ko‘tarilgani mamnuniyat bilan qayd etildi O‘tgan yilning sentabr oyida Nyu-Yorkda Jahon banki prezidenti bilan erishilgan oliy darajadagi kelishuvlar hayotga izchil tatbiq etilmoqda Qo‘shma loyihalar portfeli 15 milliard dollardan oshdi. Toshkent shahrida Jahon bankining mintaqaviy vakolatxonasi muvaffaqiyatli faoliyat yuritmoqda. Moliyalashtirishning yangi mexanizmlari samarali joriy etilmoqda Jahon banki yuqori rahbariyatining joriy yilda o‘tkaziladigan tashriflari va qo‘shma tadbirlariga puxta tayyorgarlik ko‘rish muhimligi ta’kidlandi Ijtimoiy-iqtisodiy rivojlanishning eng muhim yo‘nalishlarini qamrab olgan yangi uzoq muddatli Davlat dasturini ishlab chiqish rejalari qo‘llab-quvvatlandi Kichik va oʻrta biznesni rivojlantirishni qoʻllab-quvvatlash, qashshoqlikni qisqartirish boʻyicha chora-tadbirlarni amalga oshirish, davlat korxonalarini xususiylashtirish boʻyicha qoʻshma dasturlarni ilgari surish va iqtisodiyot tarmoqlariga sunʼiy intellekt texnologiyalarini joriy etishda Jahon banki guruhining moliyaviy vositalaridan foydalanishni kengaytirishga alohida eʼtibor qaratildi Suv xo‘jaligi sohasini moliyalashtirish, inson kapitalini rivojlantirish va O‘zbekistonning xalqaro reytinglardagi o‘rnini oshirishda yaqin hamkorlikni yo‘lga qo‘yish ham ustuvor vazifalardan biri etib belgilandi