"Reuters": AQSh Eron aktivlarini Fors ko'rfazidagi ittifoqchilariga berishni ko'rib chiqmoqda

AQSh ma'muriyati Tehron tomonidan ularga yetkazilishi mumkin bo'lgan zararni qoplash uchun Fors ko'rfazidagi ittifoqchilariga Eron aktivlariga kirish huquqini ochishni rejalashtirmoqda Bu haqda Reuters agentligi manbalarga tayanib ma’lum qildi, deb xabar beradi “Report” Maʼlumotlarga koʻra, AQSh Eron aktivlaridan Fors koʻrfazi mintaqasidagi hamkorlarini qoʻllab-quvvatlash, rekonstruksiya ishlarini olib borish va kelajakda Eron keltirishi mumkin boʻlgan zarar oqibatlarini bartaraf etish uchun foydalanish imkoniyatini taqdim etadi Materialda aytilishicha, Amerika tomoni Eron aktivlaridan allaqachon yetkazilgan zararni qoplash uchun foydalanish variantini ham o‘rganmoqda. AQSh Moliya vazirligi rahbari Skott Bessent ekspertlarga Eron tomonidan qayd etilgan davlatlarga yetkazilgan zarar miqdorini hisoblashni topshirdi Eronning qaysi aktivlari nazarda tutilgani aytilmagan Eslatib oʻtamiz, 28-fevral kuni AQSh va Isroil Eronga qarshi harbiy amaliyotlar boshlagan, bir qator shaharlarga havo hujumlari uyushtirilgan edi. O‘sha kuni Eron oliy rahbari Ali Xomanaiy zarbalar natijasida halok bo‘ldi. Bunga javoban Eron Isroil hududi va Fors ko‘rfazi mamlakatlaridagi AQSh harbiy bazalariga hujum qildi Eron, AQSh va ularning ittifoqchilari 8-aprelga o‘tar kechasi o‘t ochishni to‘xtatish bo‘yicha kelishuvga erishdi.Keyinchalik Tramp o‘t ochishni to‘xtatishni noma’lum muddatga uzaytirdi Tomonlar mojaroni hal qilish uchun Pokistonda muzokaralar o‘tkazdi, biroq 11-12 aprel kunlari bo‘lib o‘tgan birinchi raund hech qanday natija bermadi AQSh Tehronga bosim o'tkazish uchun Eron portlarini va Hormuz bo'g'ozi orqali o'tish yo'llarini blokirovka qildi. Eron, o'z navbatida, Fors ko'rfaziga ketayotgan kemalar uchun Hormuz bo'g'ozi yopilganini e'lon qildi. Mintaqadagi jadal o'zgaruvchan vaziyat global energetika inqirozini keltirib chiqardi Ulardan foydalanishda saytdagi materiallarga murojaat qilish muhimdir. Veb-sahifalarda ma'lumotlardan foydalanilganda, giperhavola orqali havola qilish majburiydir