Prezident XVJ boshqaruvchi direktor o‘rinbosarini qabul qildi

O‘zbekiston Prezidenti Shavkat Mirziyoyev 29-iyun kuni Xalqaro valyuta jamg‘armasi “Shveytsariya saylov okrugi”ning navbatdagi yig‘ilishida ishtirok etish uchun mamlakatimizga kelgan Xalqaro valyuta jamg‘armasi boshqaruvchi direktori o‘rinbosari Bo Lini qabul qildi. Bu haqda prezident matbuot xizmati xabar berdi Qayd etilishicha, uchrashuv avvalida Bo Li davlat rahbariga XVJ boshqaruvchi direktori Kristalina Georgiyevaning salomi va ezgu tilaklarini yetkazgan Jahon moliya bozorlarining bugungi holati va ularni rivojlantirish istiqbollari muhokama qilindi Tomonlar ushbu nufuzli xalqaro institut bilan amaliy hamkorlikni yanada mustahkamlashning asosiy jihatlarini, birinchi navbatda, XVJ rahbari bilan o‘tgan yilning sentyabr oyida Nyu-Yorkda bo‘lib o‘tgan uchrashuvda erishilgan kelishuvlar doirasida ko‘rib chiqdilar Jamg‘arma mamlakatimizda pul-kredit, valyuta va soliq-byudjet siyosatini takomillashtirish kabi sohalarda amalga oshirilayotgan keng ko‘lamli islohotlarda muhim ahamiyat kasb etayotgani ta’kidlandi Makroiqtisodiy siyosat strategiyasi, raqamli toʻlov tizimlarini rivojlantirish, kapital oqimlarini liberallashtirish, milliy statistika metodologiyasi va davlat daromadlarini boshqarishni takomillashtirish, shuningdek, erkin valyuta kursini qoʻllab-quvvatlash kabi sohalarda ekspert va texnik yordamni yanada kengaytirish zarurligi taʼkidlandi Mamlakatimiz xo‘jalik idoralari xodimlarini tayyorlash dasturlarini ishlab chiqishga alohida e’tibor qaratildi