Chet eldagi talabalarni ish beruvchilar bilan bog'lash uchun platforma ishga tushiriladi

Nufuzli xorijiy universitetlarda tahsil olayotgan o‘zbekistonlik talabalarni mahalliy ish beruvchilar bilan bog‘laydigan raqamli aloqa platformasi bir oy muddatda ishga tushiriladi. Bu haqda Prezident Shavkat Mirziyoyev bugun, 30-iyun kuni yoshlar bilan uchrashuvda ma’lum qildi Ta’kidlanganidek, ayni paytda 14 mingdan ortiq o‘zbekistonlik yigit-qiz AQSh, Yevropa, Yaponiya, Xitoy va Janubiy Koreyaning yetakchi oliy ta’lim muassasalarida tahsil olmoqda Yangi platforma orqali xorijda tahsil olayotgan talabalar ta’til davomida O‘zbekistondagi vazirliklar, mahalliy hokimliklar, davlat tashkilotlari va xususiy kompaniyalarda amaliy mashg‘ulotlar va amaliyot o‘tash imkoniyatiga ega bo‘ladilar Prezidentimiz “El-yurt umidi” jamg‘armasi orqali har yili 700 ga yaqin iqtidorli yoshlar dunyoning eng nufuzli universitetlariga o‘qishga yuborilayotganini ham ta’kidladi “Islohotlarimizning dastlabki bosqichida iqtidorli yoshlarimizni, asosan, keyinchalik davlat tashkilotlarida ishlash sharti bilan xorijga o‘qishga yuborgan edik.Xususiy sektorda ham bunday kadrlarga ehtiyoj kundan-kunga ortib bormoqda.Bundan buyon yoshlarimiz ham xususiy sektor topshirig‘iga asosan “El-yurt umidi” jamg‘armasi orqali xorijiy nufuzli oliy o‘quv yurtlarida tahsil olishlari mumkin bo‘ladi, – dedi Shavkat Mirziyoyev Avvalroq O‘zbekistonda yoshlar maxsus ochkolar oladigan O‘zbekiston yoshlar ligasi platformasi ishga tushishi xabar qilingandi