Iroqda yo'lovchi avtobusi ag'darilib ketdi! 21 kishi halok bo'ldi, 19 kishi jarohat oldi

Iroqda sodir bo'lgan yo'l-transport hodisasi falokatga aylandi. Mamlakat janubidagi Nosiriya va Basra shaharlarini bog‘lovchi yo‘lda yo‘lovchi avtobusi ag‘darilib ketdi Iroq matbuotida chiqqan xabarlarga ko'ra, hodisada 21 kishi, jumladan, eronlik yo'lovchilar hayotdan ko'z yumgan, 19 kishi tan jarohati olgan Xabar qilinishicha, voqea joyiga ko‘plab sog‘liqni saqlash va qutqaruv guruhlari jo‘natildi. Jarohatlanganlar yaqin atrofdagi shifoxonalarga yetkazilgan va ularga tibbiy yordam ko‘rsatilgan Iroq sog‘liqni saqlash vaziri Abdul Husayn al-Musaviy jarohatlanganlarga zarur tibbiy yordam ko‘rsatish uchun barcha imkoniyatlarni safarbar qilishga ko‘rsatma berganini ma’lum qildi Iroq Bosh Vazirligi tomonidan berilgan bayonotda, Bosh vazir Ali az-Zaydiyning voqea yuzasidan keng qamrovli tergov o'tkazishni buyurgani bildirildi Bayonotda, shuningdek, tegishli muassasalarga jabrlanganlarga zudlik bilan aralashuvni ta’minlash va halok bo‘lganlarning yaqinlariga zarur yordam ko‘rsatish topshirilganligi ta’kidlandi. Hodisa sabablarini o‘rganish davom etmoqda