Farg‘ona neftni qayta ishlash zavodi xususiylashtirilganidan keyin to‘rt yil o‘tib, davlat to‘liq nazoratini tikladi

Farg‘ona neftni qayta ishlash zavodi yana to‘liq davlat nazoratiga o‘tdi. Korxona va tashkilotlarning davlat reestriga koʻra, “Fargʻona neftni qayta ishlash zavodi” MChJning yagona taʼsischisi Davlat aktivlarini boshqarish agentligi hisoblanadi Bir oy oldin korxona ta'sischilari orasida 58,5 foiz ulush bilan Davlat aktivlarini boshqarish agentligi va 41,5 foiz ulush bilan "Saneg" kompaniyasi ham bor edi Farg‘ona neftni qayta ishlash zavodi 2022-yilning may oyida Sanegga 100 million dollarga sotilgan edi. 2024-yil avgust oyida Davlat aktivlarini boshqarish agentligi investor xarid uchun to‘lovni hali tugatmagani haqida xabar berdi. So‘ngra aksiyalarni topshirish to‘langan summaga mutanosib ravishda amalga oshirilishi, shartnoma shartlari to‘liq bajarilgandan so‘ng korxona to‘liq hajmda investorga o‘tkazilishi ta’kidlandi Saneg avvalroq kompaniya oʻzining shartnomaviy toʻlov va investitsiya majburiyatlarini bajarayotganini va barcha toʻlovlar oʻz vaqtida amalga oshirilishini taʼkidlagan edi Farg‘ona neftni qayta ishlash zavodida yuqori oktanli benzin, reaktiv yoqilg‘isi, dizel yoqilg‘isi, motor va sanoat moylari, bitum, parafin, neft koksi ishlab chiqariladi. Kompaniya saytida taʼkidlanishicha, zavod Oʻzbekistondagi yagona moylash moylari ishlab chiqaruvchisi hisoblanadi 2026 yil yanvar oyida Vazirlar Mahkamasi Enter Engineering, Eriell Group va Saneg kompaniyalar guruhini moliyaviy barqarorlashtirish to‘g‘risida qaror qabul qildi. Hujjatda 38,7 ming xodimga 131 million dollar miqdoridagi ish haqi bo'yicha qarzdorlik haqida so'z bordi Moliyaviy barqarorlikni taʼminlash boʻyicha tuzilgan ishchi guruhga qator strategik loyihalarni, jumladan Fargʻona neftni qayta ishlash zavodini modernizatsiya qilish uchun yangi investorlarni jalb qilish boʻyicha takliflar tayyorlash vazifasi yuklatildi 2024-yilning ikkinchi choragi uchun investitsiya dasturiga ko‘ra, korxonani modernizatsiya qilish qiymati 389,3 million dollarni tashkil etdi. E'lon qilingan loyihalar orasida gidrokrekingni joriy etish, yoqilg'ini qayta ishlash chuqurligini oshirish, Evro-5 dizel yoqilg'isi va aviakerosin ishlab chiqarish bor Kompaniya maʼlumotlariga koʻra, 2022-yildan buyon Fargʻona neftni qayta ishlash zavodining sof foydasi 557,3 milliard soʻmni tashkil qildi. Shu bilan birga, zavod 2025 yilni 538,1 mlrd.so‘m zarar bilan yakunladi Agar xato topsangiz, matn qismini tanlang va Ctrl+Enter tugmalarini bosing