Germaniya tajribasi o‘rganilmoqda

Uchrashuvda Germaniyada dual ta’limni samarali tashkil etish, ta’lim muassasalari va ish beruvchilar o‘rtasidagi hamkorlikning institutsional asoslari, talabalarning nazariy bilimlarini amaliy ko‘nikmalar bilan integratsiyalash tajribasi, mehnat bozori standartlariga javob beradigan yuqori malakali kadrlar tayyorlash muammolariga e’tibor qaratildi Universitet mutaxassislari Anhalt amaliy fanlar universitetida dual ta’lim dasturlari bo‘yicha taqdimot qildilar. Mazkur tizimning asosiy afzalliklari, jumladan, ta’lim va korxonalar integratsiyasi, talabalarning o‘qish davomida amaliy tajriba orttirish va daromad olish imkoniyatlari muhokama qilindi Delegatsiya aʼzolari universitetning oʻquv binolari, ilmiy laboratoriyalari, oʻquv-ishlab chiqarish binolarini koʻzdan kechirdi. Ular talabalar uchun yaratilgan sharoitlar, innovatsion texnologiyalar va o‘qitish usullari bilan yaqindan tanishdilar Dual taʼlimni rivojlantirish, mehnat bozori va ish beruvchilar ehtiyojlarini qondirish uchun taʼlim dasturlarini takomillashtirish, oʻqituvchilar va talabalar uchun akademik almashinuvni kengaytirish, qoʻshma taʼlim tashabbuslari va ilmiy loyihalarni amalga oshirish imkoniyatlarini oʻrganish masalalari muhokama qilindi Muhayyo Toshqorayeva, O‘zA