Raketa bazalari jonlanadi

AQSh va Isroilning haftalab hujumlaridan so'ng yer osti raketa bazalariga kirishlari yopilgan Eronning jadal qazish ishlari tufayli bu ob'ektlarning katta qismini qaytadan foydalanishga topshirgani da'vo qilindi. AQSh va Eron o'rtasida muvaqqat kelishuvga erishilgan va uni uzaytirish bo'yicha muzokaralar davom etayotgan bo'lsa-da, tomonlar o'rtasidagi taranglik to'liq barham topgani yo'q. Mutaxassislarning fikricha, agar mojarolar qayta boshlansa, Eron mavjud raketa zaxiralari bilan hujumlarini davom ettirishi mumkin. CNN tomonidan ko'rib chiqilgan sun'iy yo'ldosh suratlariga ko'ra, Eron buldozer va qazish mashinalari kabi oddiy qurilish texnikasidan foydalangan holda AQSh va Isroil tomonidan urilgan tunnel kirishlarini ochgan va shikastlangan yo'llarni ta'mirlagan. To'qnashuvlar chog'ida Eron kuchli bombardimon ostida tunnel kirishlarini ochishga harakat qildi. AQSh va Isroil tez-tez qazish ishlarida ishlatiladigan qurilish uskunalarini nishonga oldi. Shunga qaramay, Eronning ta'mirlash ishlari o't ochishni to'xtatishdan keyin yetti hafta ichida tezlashdi. CNN tahliliga ko'ra, Eron AQSh va Isroil tomonidan urilgan 18 yer osti raketa ob'ektidagi 69 ta tunneldan 50 tasini qayta ochgan. Sun’iy yo‘ldoshdan olingan suratlar ham raketa bazalariga kirishning oldini olish uchun bombalangan yo‘llar katta darajada ta’mirlangani, ayrim hududlarda esa yo‘llar asfaltlanganini ko‘rsatadi Bu Trampning maqsadlaridan biri edi. AQSh prezidenti Donald Tramp urushning asosiy maqsadlaridan biri Eronning raketa salohiyatini yo‘q qilish ekanini ko‘p marotaba ta’kidlagan. Mart oyida qilgan postida Tramp urushning asosiy maqsadlaridan biri sifatida “Eronning raketa quvvati, uchirish tizimlari va ular bilan bog‘liq barcha narsalarni to‘liq zararsizlantirishni” sanab o‘tgan edi. Eron esa 20 yildan ortiq vaqt davomida yer osti raketa tarmog'ini rivojlantirmoqda. Ta'kidlanishicha, ayrim inshootlar yuzlab metr tosh qatlamlari ostida joylashgan. Mutaxassislarning fikriga ko'ra, bu chuqurlik AQSh va Isroil uchun bazalarni to'g'ridan-to'g'ri yo'q qilishni juda qiyinlashtiradi Ma’lumotlarga ko‘ra, mingta raketa qolgan. Mutaxassislarning hisob-kitoblariga ko'ra, yer osti omborlarida hali ham mingga yaqin raketalar mavjud. Gamburg universiteti Tinchlik tadqiqotlari va xavfsizlik siyosati institutidan Timur Kadyshev, Eronning bu turdagi to'qnashuvlarga yillar davomida tayyorgarlik ko'rganini ma'lum qildi va "Ular bu turdagi urushga 20 yildan beri tayyorgarlik ko'rishdi. Ular nihoyatda tayyor" dedi. - dedi u