Kimyo sanoatini rivojlantirish bo‘yicha istiqbolli loyihalar taqdim etildi

Ana shu vazifalarni amalga oshirish maqsadida tashkil etilgan Chirchiq kimyo sanoat texnoparki bugun yangi avlod sanoat maydonlaridan biriga aylandi Davlatimiz rahbarining 2022-yil 3-fevraldagi tegishli qarori ijrosi doirasida tashkil etilgan mazkur texnoparkda kimyo mahsulotlarini chuqur qayta ishlash, ilg‘or texnologiyalarni joriy etish, mahalliy va xorijiy investorlar uchun qulay shart-sharoit yaratish vazifasi qo‘yilgan. 26,4 gektar maydonda muhandislik-kommunikatsiya tarmoqlari va zamonaviy infratuzilmani rivojlantirish uchun jami 25 million dollar ajratildi Texnoparkning investitsion jozibadorligi aniq raqamlarda o‘z ifodasini topmoqda. Xususan, 2025-yilda 56 million dollarlik investitsiyalar o‘zlashtirildi, 758 ta yangi ish o‘rni yaratildi. Yil davomida korxonalar tomonidan 60 million dollarlik 150 turdan ortiq mahsulot ishlab chiqarildi Kelajakdagi rejalar ham keng ko'lamli. 2030-yilga borib investitsiyalar hajmini 207 million dollarga, tovar mahsulotlari ishlab chiqarishni 294 million dollarga, eksportni 48 million dollarga, ish o‘rinlari sonini 2300 taga yetkazish rejalashtirilgan Shu yerda Prezident Shavkat Mirziyoyevga texnopark faoliyati, kimyo sanoatini rivojlantirishga qaratilgan ilmiy-amaliy loyihalar taqdimoti ham taqdim etildi Bugungi kunda qishloq xo‘jaligi sohasi barqarorligini ta’minlashda mineral o‘g‘itlar ishlab chiqarish muhim ahamiyat kasb etmoqda. Yiliga 3,7 million tonna o‘g‘it ishlab chiqarilishiga qaramay, sohada hali ham import qilinadigan fosforli va suvda eriydigan o‘g‘itlarga talab saqlanib qolmoqda, bu esa sanoatni yanada modernizatsiya qilishni taqozo etmoqda. Bu borada 2,8 milliard dollarlik investisiya loyihalari ishlab chiqildi Neft-kimyo sohasida polimerlarga ichki talab ortib bormoqda. Prognozlarga ko‘ra, 2032-yilga borib bu talab 3,2 million tonnani tashkil etadi.Angren shahrida ko‘mirdan olefin ishlab chiqarish, Qo‘ng‘irotda neftni qayta ishlash kabi yirik loyihalarning amalga oshirilishi mahalliy ishlab chiqarishni to‘liq ishlab chiqarish va importni bartaraf etish imkonini beradi Maishiy kimyo sohasida ham tizimli ishlar amalga oshirilmoqda. Investitsiya loyihalarini amalga oshirish orqali importni ikki baravarga qisqartirish, mahalliy ishlab chiqarilgan mahsulotlar bilan qoplanadigan ichki iste’mol ulushini 64 foizga yetkazish, eksport ko‘rsatkichlarini oshirish rejalashtirilgan