Germaniya Federal Prezidenti O‘zbekistonga rasmiy tashrif bilan keladi

Tashrif dasturiga muvofiq, ikki davlat rahbarlarining tor va kengaytirilgan tarkibda muzokaralari oʻtkaziladi. Tomonlar O‘zbekiston va Germaniya o‘rtasidagi ko‘p qirrali munosabatlarni chuqurlashtirishga doir masalalarni ko‘rib chiqadilar Tomonlar savdo, sanoat, energetika va yashil texnologiyalar, transport va logistika, farmatsevtika va kimyo sanoati, qishloq xo‘jaligi sohalarida amaliy hamkorlikni kengaytirishga, ta’lim va gumanitar almashinuvlarni faollashtirishga alohida e’tibor qaratadilar Shuningdek, xalqaro va mintaqaviy kun tartibidagi dolzarb masalalar yuzasidan fikr almashiladi Muzokaralar doirasida Oʻzbekiston va Germaniya oʻrtasidagi oʻzaro manfaatli hamkorlikni rivojlantirishga qoʻshimcha turtki berishga qaratilgan hujjatlar toʻplamini qabul qilish bilan bir qatorda bir qator yangi qoʻshma loyiha va dasturlarni ishga tushirish rejalashtirilgan