Universitet bitiruvchilari bandligini ta’minlash masalalari muhokama qilindi

2026 yilda mamlakat universitetlarini 320 ming talaba bitirishi kutilmoqda So‘nggi yillarda yoshlarning oliy ta’lim olish imkoniyati sezilarli darajada kengaygani sari mehnat bozoriga kirib kelayotgan bitiruvchilar soni ortib bormoqda Ularning bandligini ta’minlashda bitiruvchilar bilan yakka tartibda ish olib borish, iqtisodiyotning turli tarmoqlari bo‘yicha mavjud bo‘sh ish o‘rinlariga yo‘llanmalar berish, tadbirkorlik tashabbuslarini qo‘llab-quvvatlash, oliy ta’lim muassasalari huzuridagi Karyera markazlari imkoniyatlaridan samarali foydalanish muhim ahamiyat kasb etmoqda Universitet bitiruvchilarining tadbirkorlik loyihalarini imtiyozli moliyalashtirish maqsadida “Kelajak sari qadam” dasturi amalga oshirilmoqda. Dastur doirasida 2025-yilda 6 mingdan ortiq loyihani moliyalashtirish uchun 378 milliard so‘m yo‘naltirildi. Natijada 8 ming nafarga yaqin bitiruvchining bandligi ta’minlandi 2026-yilda 8 mingdan ortiq loyihani moliyalashtirish va 10 ming nafarga yaqin yoshlarni ish bilan taʼminlash uchun 500 milliard soʻm ajratish rejalashtirilgan Ishtirokchi tadbirkorlik subyektlarini qo‘shimcha moddiy rag‘batlantirish orqali dasturni kengaytirish taklif etildi Shuningdek, “TalabaExpo 2026” kasb yarmarkalarini mamlakatimizning boshqa hududlarida ham ish beruvchilar va tadbirkorlik subyektlari faol ishtirokida samarali tashkil etish zarurligi qayd etildi Bitiruvchilar bandligini ta’minlashda vazirlik va idoralar, tuman va shahar hokimliklari, yirik xo‘jalik birlashmalarining mas’uliyatini oshirish muhimligi ta’kidlandi Barcha jarayonlar bandlikka ko‘maklashish platformasi career.edu.uz orqali nazorat qilinadi. Bandlik masalalarini hal etishda mahalliy hokimliklar ham ishtirok etadi. Natijada bitiruvchilar bilan ishlashning vertikal tizimi yo‘lga qo‘yiladi Bundan tashqari, oliy taʼlim muassasalari darajasida talabalar bandligini taʼminlash boʻyicha tizimli saʼy-harakatlarni yoʻlga qoʻyishning yangi mexanizmlari taklif etildi Xususan, barcha oliy ta’lim muassasalarida Karyera markazlarining to‘liq faoliyat ko‘rsatishi, ularning faoliyatiga rag‘batlantirish mexanizmlari bog‘langan holda ta’minlanadi. Markazlarning faoliyati Bitiruvchilar sifati indeksidan foydalangan holda baholanadi. 20 ta eng yuqori natijalarga erishgan universitetlar qoshidagi karyera markazlarining har biri 500 million so‘m oladi Joriy yilda 360 ta universitet va 750 ta fakultet miqyosida boʻsh ish oʻrinlari yarmarkalari hamda turli sohalarda 1000 dan ortiq ish beruvchilar ishtirokida seminarlar oʻtkazish rejalashtirilgan Shuningdek, 2026/2027 o‘quv yilidan boshlab barcha oliy ta’lim muassasalarida “Tadbirkorlik asoslari” kursi talabalarda tadbirkorlik ko‘nikmalarini rivojlantirish va mavjud biznes imkoniyatlari bilan tanishtirish maqsadida joriy etiladi Shu bilan birga, oliy o‘quv yurtlarida talabalarning startap loyihalarini qo‘llab-quvvatlash, talabalarni yangi tashkil etilgan qo‘shma korxonalarga jalb etish, sanoat korxonalarida kafedra filiallarini tashkil etish, ish beruvchi korxonalarda yakuniy loyihalarni himoya qilish amaliyotini kengaytirish chora-tadbirlari belgilandi Shuningdek, ish beruvchi talabi va moslashtirilgan ta’lim dasturlari asosida mutaxassislar tayyorlash uchun maqsadli dual ta’lim modelini joriy etish tashabbusi ham taklif etildi Ushbu modelga ko‘ra, dasturga qabul qilish va to‘lov-kontrakt asosidagi to‘lovlarni belgilash ish beruvchi va universitet o‘rtasidagi o‘zaro kelishuv asosida amalga oshiriladi va ish beruvchi bitiruvchining o‘qishni tugatgandan so‘ng ishga joylashishini kafolatlaydi Taklif etilayotgan chora-tadbirlarni samarali amalga oshirish uchun oliy ta’lim muassasasi rahbariyatining mas’uliyatini oshirish muhimligi ta’kidlandi. Bitiruvchilarning bandlik darajasi ham ularning asosiy ko'rsatkichlaridan biri sifatida kiritiladi Prezident mutasaddilarga bitiruvchilar bilan ishlashni samarali tashkil etish, taklif etilayotgan tashabbuslarni puxta ishlab chiqish, qo‘shimcha ish o‘rinlari yaratish uchun barcha imkoniyatlarni safarbar etish bo‘yicha topshiriqlar berdi