Toshkentda Oʻzbekiston – AQSh biznes forumi boʻlib oʻtadi

Tadbir davomida taqdimotda O‘zbekiston va AQShning iqtisodiy va sarmoyaviy salohiyati, hamkorlikning asosiy yo‘nalishlari, sanoat, infratuzilma va texnologik loyihalarga qo‘shma sarmoya kiritish imkoniyatlari yoritiladi Forumda sanoat ishlab chiqarish, tog'-kon sanoati, metallurgiya, infratuzilma, transport, qurilish, raqamli texnologiyalar, moliya, qishloq xo'jaligi va sarmoya kabi sohalar bo'yicha Amerikaning yetakchi korporatsiyalari va moliya institutlari rahbarlari ishtirok etadi. Ishtirokchilar orasida BlackRock, Oppenheimer, JPMorgan, Franklin Templeton, Boeing, Traxys, General Motors, Oracle, Air Products, Google, Meta, Citi, Nasdaq, Cove Capital, BNY Mellon, Visa, Auerbach Grayson, John Deere, FLSmidstr, CNHcat-Co, Industrial Co. Irrigatsiya, Morgan Stanley va boshqalar. Shuningdek, AQSh Eksport-import banki va AQSh Xalqaro Taraqqiyot Moliya Korporatsiyasi (DFC) vakillari ham ishtirok etmoqda Forum davomida ishtirokchilar ikki tomonlama savdo-iqtisodiy va sarmoyaviy hamkorlikni kengaytirish imkoniyatlarini oʻrganadilar. Shuningdek, davlat organlari va tadbirkorlik sohasi o‘rtasidagi o‘zaro hamkorlik mexanizmlari, qo‘shma tashabbuslarni amalga oshirish bo‘yicha amaliy qadamlar muhokama qilinadi. Bundan tashqari, ikki mamlakat tadbirkorlari, investorlari va hukumat vakillariga toʻgʻridan-toʻgʻri aloqalarni oʻrnatish imkoniyatini beruvchi B2B va G2B uchrashuvlari tashkil etiladi F.Yaxshiboyeva, O‘zA