O‘zbekiston – Misr: sivilizatsiyalar va meroslar muloqoti

Tadbirda O‘zbekiston Tashqi ishlar vaziri Baxtiyor Saidov ishtirok etdi O‘zbekistondagi Islom sivilizatsiyasi markazi taqdimoti bo‘lib o‘tdi. Markaz madaniyatlararo va sivilizatsiyalararo muloqotni rivojlantirish, islom olamining ilmiy va ma’naviy merosini targ‘ib qilish bo‘yicha asosiy xalqaro platforma sifatida shakllanayotgani alohida ta’kidlandi Tadbirda madaniy merosni asrab-avaylash, ilmiy izlanishlarni qo‘llab-quvvatlash, qo‘lyozmalarni o‘rganish va raqamlashtirish, ma’rifat, konfessiyalararo muloqot va bag‘rikenglikni targ‘ib qilish kabi mavzular muhokama qilindi. Shuningdek, o‘zaro anglashuvni mustahkamlash va xalqlar o‘rtasidagi madaniy aloqalarni rivojlantirish uchun O‘zbekiston va Misr o‘rtasidagi gumanitar hamkorlikni kengaytirish muhimligi ta’kidlandi Ishtirokchilar O‘zbekiston va Misr uzoq tarixga ega bo‘lgan ilmiy-ma’rifiy an’analar, boy ma’naviy meros va o‘xshash sivilizatsiya qadriyatlariga ega ekanini alohida ta’kidladilar. Ikki xalqning yetuk allomalarining islom ilm-fani, madaniyati va ta’limi rivojiga qo‘shgan ulkan hissasini alohida ta’kidladilar