Buvaydada hokim o‘rinbosari tomonidan kaltaklangan ekologiya inspektori ham qo‘lga olindi

Esingizda bo‘lsa, 2025-yilning noyabr oyida Farg‘ona viloyatining Buvayda tumanida tuman hokimi o‘rinbosari Saidali Xizirov Ekologiya va iqlim o‘zgarishi milliy qo‘mitasi inspektori Ahrorjon Niyozovga nisbatan kuch ishlatib, huquq-tartibot idoralari xodimlari yordamida tuman IIBga olib borgan edi. O‘shanda ekologiya inspektoriga nisbatan kuch qo‘llangani butun mamlakat bo‘ylab keng jamoatchilik muhokamasiga sabab bo‘lgan edi. Oradan ko‘p o‘tmay, tuman hokimi o‘rinbosari Saidali Xizirov egallab turgan lavozimidan ozod etilgani va jinoyat ishi qo‘zg‘atilgani ma’lum bo‘ldi. O‘tgan oyda chiqarilgan sud hukmiga ko‘ra, Saidali Xizirov Jinoyat kodeksining 206-moddasi 1-qismi, ya’ni vakolat yoki mansab vakolatini suiiste’mol qilishda aybdor deb topilgan. U asosiy hisob-kitob miqdorining 150 baravari yoki 61,8 million so‘m miqdorida jarimaga tortilib, bir yil muddatga xizmat vazifalarini bajarish va moddiy javobgarlik bilan bog‘liq lavozimlarni egallash huquqidan mahrum etildi Jabrlanuvchi Ahrorjon Niyozov sudlanuvchilarga nisbatan qattiqroq jazo tayinlanishini so‘rab apellyatsiya shikoyati bergan. Biroq jinoyat ishlari bo‘yicha Farg‘ona viloyati sudlov hay’atining apellyatsiya instantsiyasining joriy yil 3 iyundagi ajrimi bilan hukm o‘zgarishsiz qoldirildi Jinoiy ish nihoyasiga yetib, hukm e’lon qilinganidan ko‘p o‘tmay, ekologiya boshqarmasi xodimi Ahrorjon Niyozovning o‘zi ham hibsga olingan. Buni Farg‘ona viloyati ichki ishlar boshqarmasi tarqatgan ma’lumotdan tushunish mumkin Viloyat ichki ishlar boshqarmasi xabariga ko‘ra, Farg‘ona viloyatining Buvayda tumanida o‘tkazilgan tezkor tadbir davomida ekologiya bo‘limi xodimi 9500 dollar pora bilan qo‘lga olindi Tergovga qadar olib borilgan tergov materiallariga ko‘ra, u tumandagi Arab mahallasi hududidagi to‘rt sotix yer maydonidagi yovvoyi daraxtlarni kesish va qumdan tozalash ishlariga bir yil davomida ko‘z yumib, hech qanday chora ko‘rmaslik evaziga fuqarodan 10 ming dollar pora talab qilgan Viloyat ichki ishlar boshqarmasi hamda huquqni muhofaza qiluvchi boshqa idoralar xodimlari hamkorligida o‘tkazilgan tezkor tadbir davomida poraxo‘rlik ishida vositachilik qilgan shaxs va pora olgan ekologiya xodimi ashyoviy dalil bilan qo‘lga olindi Bundan tashqari, vositachining avtomashinasi ko‘zdan kechirilganda, giyohvandlik vositalariga o‘xshash moddalar topilib, ashyoviy dalil sifatida hujjatlashtirildi Ma’lum qilinishicha, mazkur holat yuzasidan Jinoyat kodeksining 168 va 211-moddalari bilan firibgarlik va pora berish moddalari bilan jinoyat ishi qo‘zg‘atilib, dastlabki tergov harakatlari olib borilmoqda