Har bir vazir va hokim kamida 10 milliard so‘mlik venchur fondini tashkil etsin

O‘zbekistonda innovatsion startaplarni qo‘llab-quvvatlash uchun har bir vazir, sektor rahbari va hokimi tomonidan kamida 10 milliard so‘mlik venchur fond tashkil etiladi. Bu haqda Prezident Shavkat Mirziyoyev bugun, 30-iyun kuni yoshlar bilan uchrashuvda ma’lum qildi O‘zbekiston 2030-yilga borib iqtisodiyoti hajmini 240 milliard dollardan ziyodga yetkazishni rejalashtirayotgani qayd etildi.Buning uchun barcha sohalarga yangi g‘oyalarni olib kiruvchi innovatsion startaplarni rivojlantirish muhim ahamiyatga ega “Biz 2030-yilga borib iqtisodiyot hajmini 240 milliard dollardan ziyodroqqa yetkazishni rejalashtirmoqdamiz. Bunga erishish uchun barcha sohalarga yangi g‘oyalarni olib kiruvchi innovatsion startaplar kerak”, — dedi Prezident Shavkat Mirziyoyev Maʼlum qilinishicha, soʻnggi toʻqqiz yil ichida Oʻzbekistonning startap ekotizimi 15 barobar oʻsgan va uning qiymati 4 milliard dollardan oshgan. Venchur fondlari soni 23 taga yetdi, ularning umumiy kapitali esa 200 million dollarga yetdi. Shu davrda 1200 dan ortiq istiqbolli startap loyihalari ishga tushirilib, 3000 dan ortiq yoshlar ushbu sohada yuqori daromad olmoqda Shuningdek, O‘zbekiston Global Startap Indexda 31 pog‘onaga ko‘tarilib, dunyoning eng tez rivojlanayotgan startap ekotizimlari hamda “2026-yil mamlakati” deb e’tirof etilgani ta’kidlandi Prezident bundan buyon har bir vazir, sektor rahbari va hokim “1000 ta muammo – 1000 yechim yoshlardan” loyihasini ishga tushirishini maʼlum qildi. Unga ko'ra, rahbarlar o'z tizimlaridagi dolzarb muammolarni ochiq platformada joylashtiradilar va eng yaxshi yechimlar uchun mukofotlarni e'lon qiladilar Har bir vazir va shahar hokimi tomonidan tashkil etiladigan venchur jamg‘armalar mablag‘lari g‘oliblarni taqdirlash va g‘oyadan to amalga oshirishgacha bo‘lgan barcha bosqichlarda 20 ta eng yaxshi startapni moliyalashtirishga yo‘naltiriladi Shuningdek, Yoshlar agentligi tomonidan biznes, axborot texnologiyalari va kreativ iqtisodiyot yoʻnalishlaridagi 100 ta eng yaxshi loyiha tanlab olinadi va ularning har biriga 1 milliard soʻmgacha mablagʻ yoʻnaltiriladi Bir oy muddatda nufuzli xorijiy universitetlarda tahsil olayotgan o‘zbekistonlik talabalarni mahalliy ish beruvchilar bilan bog‘laydigan raqamli aloqa platformasi ishga tushirilishi haqida avvalroq xabar berilgan edi