Botken viloyatini rivojlantirish yo‘nalishlari va muammoli masalalari muhokama qilindi

Bishkek, 10.06.26. /Yangiliklar/. Prezidentning alohida vazifalar bo‘yicha maxsus vakili Baxit To‘roboyev mamlakatimiz hududlari iqtisodiy imkoniyatlarini har tomonlama o‘rganish, investisiya portfelini yaratish bo‘yicha ishlar olib bormoqda Bu gal Botken viloyatining ijtimoiy-iqtisodiy salohiyatini oshirish maqsadida viloyatning Botken, Leylek va Qadamjoy tumanlarini rivojlantirish yo‘nalishlari, muammoli masalalari muhokama qilindi Yig‘ilishda Prezidentning Botken viloyatidagi vakolatli vakili, viloyatlar davlat hokimiyati va boshqaruvi organlari rahbarlari – hokimlar, shahar hokimlari ishtirok etib, o‘z hududlarida tayyorlangan loyihalar bilan tanishtirdi Qishloq xo‘jaligi, turizm, ishlab chiqarish, toza suv va energetika sohalariga alohida e’tibor qaratildi. Bu yo‘nalishlar mahalliy aholi turmush darajasini yuksaltirish, yangi ish o‘rinlari yaratishga xizmat qilmoqda Ayni paytda respublika bo‘ylab umumiy qiymati qariyb 460 milliard so‘m bo‘lgan 170 dan ortiq investitsiya loyihasi taklif etilmoqda va muhokama qilinmoqda. Bu tashabbuslar amalga oshirilsa, hududlarning ijtimoiy-iqtisodiy holatiga jiddiy o‘zgarishlar olib keladi, dedi Baxit Turoboyev Bunday tadbirlardan ko‘zlangan asosiy maqsad mamlakatimizning har bir tumanining investisiya salohiyatini to‘g‘ri aniqlash va uni investisiya loyihalari orqali real iqtisodiy o‘sishga aylantirishdan iborat Ta’kidlash joizki, Prezident Sadir Japarov mamlakatimiz miqyosida investitsiya loyihalarini tizimli yo‘lga qo‘yish, yuqori sifatli investisiya portfelini yaratish va har bir hududning iqtisodiy imkoniyatlaridan samarali foydalanish bo‘yicha aniq vazifalarni belgilab berdi