OTB 1,3 million dollar ajratadi

Tadbirda vazir o‘rinbosari Ozoda Jo‘rayeva vazirlik, Toshkent shahar hokimligi va “Issiqlikta’minoti” AJ mas’ul xodimlari ishtirok etdi Muhokamalarda kommunal infratuzilmani modernizatsiya qilish, energiya samaradorligini oshirish va aholiga kommunal xizmatlar ko‘rsatishni yaxshilash bo‘yicha joriy va istiqbolli tashabbuslar muhokama qilindi. Tomonlar Navoiy, Toshkent va Farg‘ona viloyatlarida markazlashtirilgan issiqlik ta’minoti tizimini modernizatsiya qilish loyihasini tayyorlash bo‘yicha o‘z istiqbollari, jumladan, uning texnik va moliyaviy jihatlari bilan o‘rtoqlashdilar. Ushbu loyihani tayyorlash uchun Osiyo taraqqiyot banki 1,3 million dollar miqdorida grant ajratgani taʼkidlandi Tomonlar issiqlik ta’minoti sohasida zamonaviy bilim va ko‘nikmalarga ega bo‘lgan mutaxassislarni tayyorlash va ularning malakasini xalqaro standartlarga muvofiq oshirish bo‘yicha grant loyihasini amalga oshirish masalalarini ham muhokama qildilar Ishtirokchilar Osiyo taraqqiyot banki ishtirokida suv ta’minoti va kanalizatsiya tizimini rivojlantirishga qaratilgan loyihalarning borishini ko‘rib chiqdilar. Sergeli, Bektemir, Yashnobod va Mirzo Ulug‘bek tumanlaridagi mahallalarni ichimlik suvi va kanalizatsiya bilan ta’minlash bo‘yicha batafsil rejalar muhokama qilindi Sh. Mamaturopova, O‘zA