Boltiqboʻyi mintaqasida NATOning yangi harbiy qoʻmondonlik markazi foydalanishga topshirildi

Germaniya va Niderlandiya Rossiyaning oldini olish maqsadida Boltiqboʻyi mintaqasida NATOning yangi harbiy qoʻmondonlik markazini ishga tushirdi Bloomberg agentligining xabar berishicha, markaz Estoniyaning Latviya bilan chegarada joylashgan Valga shahrida ish boshlagan Ochilish marosimida Germaniya mudofaa vaziri Boris Pistorius, Niderlandiya mudofaa vaziri, shuningdek, Estoniya va Latviya mudofaa vazirlari ishtirok etdi “NATOning sharqiy qanotiga yuqori darajada tayyor boʻlgan yana bir shtab-kvartirani qoʻshish orqali biz jangovar tayyorgarligimizni oshiramiz, qoʻmondonlik va nazorat tuzilmamizni takomillashtiramiz va har qanday potentsial raqibni toʻxtatib turish qobiliyatimizni mustahkamlaymiz”, dedi Germaniya mudofaa vaziri Boris Pistorius Marosim davomida NATOning sharqiy qanot mudofaa bo'linmalari qo'mondonligi Shimoliy Sharqiy Ko'pmillatli Korpusdan (MNC NE) Birinchi Germaniya-Niderlandiya Korpusiga (1GNC) o'tkazildi Yangi qo‘mondonlik markazi NATOning sharqiy qanoti qismining taktik shtab-kvartirasi bo‘lib xizmat qiladi. Birinchi Germaniya-Niderlandiya korpusi Estoniya va Latviyada joylashgan NATOning barcha kuchlariga, shuningdek, ushbu mamlakatlar milliy armiyalarining tegishli bo'linmalariga qo'mondonlik qiladi Shtab harbiy mashg‘ulotlarni rejalashtirish va boshqarish, yuzaga kelishi mumkin bo‘lgan tahdidlarga tayyorgarlik ko‘rish hamda Rossiya tomonidan ehtimoliy hujum sodir bo‘lgan taqdirda mintaqa mudofaasini muvofiqlashtirish bilan shug‘ullanadi