Ozarbayjon bilan Dog‘iston, Kareliya, Astraxan va Turkiya o‘rtasidagi iqtisodiy hamkorlik kengaymoqda

Ozarbayjon iqtisodiyot vazirining birinchi o‘rinbosari Elnur Aliyev Sankt-Peterburg xalqaro iqtisodiy forumi – 2026 doirasida bir qator uchrashuvlar o‘tkazdi Bu haqda “AZERTA”ga Iqtisodiyot vazirligi ma’lum qildi. Uchrashuvlarda iqtisodiy-savdo munosabatlarini rivojlantirish, sarmoyaviy kooperatsiyani kengaytirish, sanoat kooperatsiyasi, hududlararo sheriklik va tomonlarni qiziqtirgan boshqa masalalar muhokama qilindi. Forum doirasida Ozarbayjon delegatsiyasi Rossiya Federatsiyasining Dog‘iston Respublikasi rahbari vazifasini bajaruvchi Fyodor Shukin bilan uchrashdi. Uchrashuvda Ozarbayjon va Dog‘iston o‘rtasidagi hamkorlikning bugungi holati va rivojlanish istiqbollari yuzasidan fikr almashildi. Dog‘iston Respublikasi hukumati raisi Magomed Ramazanov bilan ham uchrashuv bo‘lib o‘tdi. Uchrashuvda Ozarbayjon va Dogʻiston oʻrtasidagi iqtisodiy va savdo aloqalarini kengaytirish, sarmoyalarni ragʻbatlantirish, logistika imkoniyatlaridan yanada samarali foydalanish, mintaqalararo hamkorlikni rivojlantirish istiqbollari muhokama qilindi. 2007 yilda tashkil etilgan Ozarbayjon Respublikasi va Rossiya Federatsiyasining Dog‘iston Respublikasi o‘rtasida iqtisodiy va gumanitar hamkorlik bo‘yicha hukumatlararo komissiya faoliyatini kengaytirish hamkorlikni rivojlantirishga xizmat qilishi mumkinligi qayd etildi Rossiya Federatsiyasi iqtisodiy rivojlanish vaziri o‘rinbosari Vladimir Ilichev bilan uchrashuvda Ozarbayjon-Rossiya hukumatlararo davlat komissiyasi doirasida amalga oshirilayotgan tadbirlar va mintaqalararo munosabatlarni rivojlantirish istiqbollari yuzasidan fikr almashildi. Tomonlar o‘zaro investitsiyalarni rag‘batlantirish, savdo aloqalarini kengaytirish va qo‘shma loyihalarni amalga oshirish yo‘nalishidagi hamkorlik muhimligini ta’kidladilar. Shuningdek, eksport kooperatsiyasini kengaytirish va eksport hajmini oshirish maqsadida boshqa tarafga salohiyatli mahsulotlar ro‘yxati taqdim etildi Turkiya Respublikasi Savdo vaziri o‘rinbosari Sezai Ucharmak bilan bo‘lib o‘tgan uchrashuvda Ozarbayjon va Turkiya o‘rtasidagi munosabatlar iqtisodiy sohada muvaffaqiyatli rivojlanib borayotgani alohida ta’kidlandi. Uchrashuvda tovar ayirboshlash hajmini oshirish, jumladan, elektron tijorat, investisiya va logistika sohasida hamkorlikni kengaytirish, tadbirkorlik subyektlari o‘rtasidagi aloqalarni mustahkamlash, transport sohasida amalga oshirilayotgan loyihalar, tomonlarni qiziqtirgan yangi loyihalarni amalga oshirish imkoniyatlari muhokama qilindi Kareliya Respublikasi rahbari Artur Parfenchikov bilan uchrashuvda iqtisodiy-savdo munosabatlarini rivojlantirish, sanoat sohasida hamkorlik qilish imkoniyatlari va milliy-madaniy birlashmalar o‘rtasidagi o‘zaro aloqalarni kengaytirish masalalari ko‘rib chiqildi. Tomonlar iqtisodiy aloqalar rivoji bilan bir qatorda gumanitar va madaniy hamkorlik ham mintaqalararo sheriklikni mustahkamlashga xizmat qilganini alohida ta’kidladilar Astraxan viloyati gubernatori Igor Babushkin bilan uchrashuvda Ozarbayjon va Astraxan viloyati oʻrtasidagi hamkorlikni rivojlantirish istiqbollari muhokama qilindi. Uchrashuvda transport-logistika aloqalarini mustahkamlash, Kaspiyboʻyi mintaqasida iqtisodiy hamkorlikni kengaytirish, tovar ayirboshlash hajmini oshirish va ishbilarmon doiralar oʻrtasidagi aloqalarni rivojlantirishga alohida eʼtibor qaratildi Elnur Aliyev Krasnoyarsk o‘lkasi gubernatorining birinchi o‘rinbosari va gubernator ma’muriyati rahbari Sergey Ponomarenko bilan ham uchrashdi. Uchrashuvda iqtisodiy-savdo, sanoat, sarmoyani rag‘batlantirish va mintaqalararo aloqalarni kengaytirish masalalari muhokama qilindi. Tomonlar turli yo‘nalishlarda hamkorlikni rivojlantirish uchun mavjud imkoniyatlarni ko‘rib chiqdilar va hamkorlikni yanada samarali ta’minlashning turli mexanizm va vositalari yuzasidan fikr almashdilar 2026 © AZERTAC. Mualliflik huquqi himoyalangan. Ma'lumotlardan foydalanish giperhavola bilan havola qilinishi kerak