Ozarbayjon sportchilari Gruziyada o'tkazilgan xalqaro turnirda medallar qo'lga kiritdi

Gruziya poytaxti Tbilisida toqqa chiqish boʻyicha “Mikheil Xergiani Cup 2026” xalqaro turniri ozarbayjonlik sportchilar uchun muvaffaqiyatli yakunlandi Ozarbayjon alpinizm federatsiyasi sportchilari bouldering bo‘yicha bittadan kumush va bronza medalni qo‘lga kiritdi, deb xabar beradi “Report” Turnirda Gruziya, Ozarbayjon, Turkiya, Rossiya, Ukraina va Armanistondan kelgan sportchilar kuch sinashdi. Musobaqada Ozarbayjon terma jamoasini murabbiy Chingiz Tagizoda boshchiligida to‘rt nafar – ikki erkak va ikki ayol sportchi himoya qildi. Jamoaning barcha a’zolari saralash bosqichidan muvaffaqiyatli o‘tib, final bosqichiga yo‘l oldi Ayollar o‘rtasida Leyla Ahmadova kumush medalni qo‘lga kiritdi. Erkaklar o‘rtasida Nozim Yusifzoda bronza medaliga sazovor bo‘ldi Eslatib o‘tamiz, “Mikheil Xergiani Cup” – Gruziya alpinizm federatsiyasi tomonidan o‘tkaziladigan toqqa chiqish bo‘yicha xalqaro turnir. Musobaqa bouldering turi bo‘yicha tashkil etilib, reglamentga ko‘ra, ayollar va erkaklar o‘rtasida saralash bosqichi natijalariga ko‘ra eng kuchli sakkiz nafar sportchi final bosqichida bahs olib boradi Ulardan foydalanishda saytdagi materiallarga murojaat qilish muhimdir. Veb-sahifalarda ma'lumotlardan foydalanilganda, giperhavola orqali havola qilish majburiydir