Yevropa yetakchilari Tramp bilan G7 sammitida uchrashib, Ukrainani qo‘llab-quvvatlash masalasini muhokama qiladi

“Katta yettilik” sammiti arafasida Ukraina jang maydonidagi muvaffaqiyatlaridan foydalanib, AQSh prezidenti Donald Trampni Rossiyaga nisbatan keskinroq pozitsiyani egallashga ishontirmoqchi. Bu haqda Bloomberg xabar berdi Maʼlumotlarga koʻra, Ukraina rasmiylari soʻnggi harbiy amaliyotlar natijalarini Vashington eʼtiboriga yetkazmoqchi. Kiyevning fikricha, bu muvaffaqiyatlar Rossiyani bosim ostida muzokaraga majbur qilish mumkinligini ko‘rsatadi Bloomberg xabariga ko‘ra, Yevropa yetakchilari ham G7 sammiti doirasida Donald Tramp bilan uchrashishni va uni Ukraina bo‘yicha yangi diplomatik tashabbuslarni qo‘llab-quvvatlashga undashni rejalashtirmoqda. Maqsad - Rossiya, Ukraina, Yevropa va AQSh vakillari ishtirokida tinchlik muzokaralarining boshlanishiga erishish. Ehtimol, bu muzokaralar iyul oyida o'tkazilishi mumkin UNIANning yozishicha, Ukraina rahbariyati harbiy sohada erishilgan natijalar Kiyev pozitsiyalarini mustahkamlaydi va xalqaro hamkorlar qo‘llab-quvvatlashini oshirishga yordam beradi, deb hisoblaydi Shu bilan birga, Yevropa davlatlari AQShning Ukraina masalasida faol ishtirok etishi muhimligini ta’kidlamoqda. Manbalarga ko‘ra, Donald Trampning bu jarayonga munosabati kelajakdagi tinchlik tashabbuslari taqdirida hal qiluvchi rol o‘ynashi mumkin Qayd etilishicha, G7 sammiti doirasida Ukrainaga harbiy va moliyaviy yordam ko‘rsatish, Rossiyaga qarshi sanksiyalar va ehtimoliy tinchlik muzokaralari asosiy muhokama mavzularidan bo‘ladi