Ana Brnabich: O‘zbekiston Markaziy Osiyodagi hayotiy va ishonchli hamkordir

Tomonlar keyingi yillarda O‘zbekiston va Serbiya o‘rtasidagi munosabatlar yangi bosqichga ko‘tarilgani, davlat rahbarlarining ochiq, ishonchga asoslangan muloqoti ikki tomonlama hamkorlikni mustahkamlayotganini alohida ta’kidladilar Narbayeva xonim mamlakatlar oʻrtasida oliy darajada erishilgan kelishuvlar amaliy samaralar berayotganini, parlamentlararo muloqot ushbu kelishuvlarni amalga oshirishning asosiy vositasi ekanligini taʼkidladi Ana Brnabich Oʻzbekistonni Markaziy Osiyodagi muhim va ishonchli hamkor sifatida taʼkidlab, ikki tomonlama munosabatlar izchil rivojlanib borayotganini mamnuniyat bilan qayd etdi – Biz O‘zbekistonning o‘zaro hurmat va do‘stlikka asoslangan tashqi siyosatini yuksak qadrlaymiz, – dedi u Muloqot doirasida savdo-iqtisodiy aloqalarni kengaytirish, parlamentlararo komissiyalar faoliyatini faollashtirish, hududlararo hamkorlikni rivojlantirish masalalari muhokama qilindi. Mavjud salohiyatdan yanada samarali foydalanish, o‘zaro manfaatli loyihalarni kengaytirish muhimligiga alohida e’tibor qaratildi Tomonlar parlamentlararo muloqotni faollashtirish, delegatsiyalar almashinuvini kengaytirish va mintaqalararo hamkorlikni rivojlantirish bo‘yicha kelishuvga erishdilar Senat Raisi Serbiya parlamenti vakillarini joriy yilning sentabr oyida Samarqand shahrida bo‘lib o‘tadigan Parlamentlararo ittifoq yosh parlamentariylarining 12-global konferensiyasida ishtirok etishga taklif qildi Uchrashuv yakunlari bo‘yicha O‘zbekiston Respublikasi Oliy Majlisi Senati va Serbiya Milliy Assambleyasi o‘rtasida hamkorlikni rivojlantirishga qaratilgan o‘zaro anglashuv memorandumi imzolandi Norgul Abduraimova, O‘zA