Xalqaro kosmik stansiyada nosozlik: astronavtlar vaqtincha evakuatsiya qilindi

Xalqaro kosmik stansiya (XKS) ekipaj a’zolari vaqtincha xavfsiz hududga evakuatsiya qilindi va keyinroq sizib chiqish kuchaygach, stansiyaga qaytarildi Bi-bi-si ma'lumotlariga ko‘ra, juma kuni stansiyadagi besh astronavt davom etayotgan bosimni pasaytirish tufayli XKSga biriktirilgan SpaceX Dragon kosmik kemasiga kirib, evakuatsiya qilishga hozirlik ko‘rgan. Ular kosmik kostyumlar kiyib, kerak bo'lsa, darhol Yerga qaytishga tayyor edilar Qolgan ikki ekipaj a’zosi – rossiyalik kosmonavtlar stansiyaning Rossiya segmentida aniqlangan havo sizib chiqishini bartaraf etish ustida ishladilar. Biroq keyinchalik ta’mirlash ishlari to‘xtatildi va barcha ekipaj stansiyaga qaytdi Rossiya segmentidagi Zvezda moduliga ulangan o‘tish tunnelida havo sizib chiqishi aniqlangan. Mutaxassislarning fikricha, bu muammo bir necha yillardan beri takrorlanib keladi Taʼmirlash vaqtida Roskosmos maxsus asbob yordamida yoriqni kengroq ochish usulini taklif qildi, biroq NASA bu usulga rozi boʻlmadi va ekipajni vaqtincha xavfsiz hududga koʻchirishga qaror qildi Keyinroq tomonlar vaziyatni qayta ko‘rib chiqishdi va hech qanday xavf yo‘q degan xulosaga kelishdi va kosmonavtlar stansiyada o‘z ishlarini davom ettirishdi NASA matbuot kotibi Betani Stivensning aytishicha, qaror ekipaj xavfsizligi toʻliq taʼminlanganidan keyin qabul qilingan ISS Yer orbitasidagi eng katta texnogen ob'ektdir. U AQSh, Rossiya, Kanada, Yaponiya va bir qancha Yevropa davlatlari tomonidan birgalikda boshqariladi