AQSh va Eron rasmiylari shartnomani virtual imzolashga tayyorlanmoqda

AQSh va Eron o'rtasida davom etayotgan muzokaralarda tomonlar kelishuvga bir qadam yaqinlashgani xabar qilinmoqda CNN maʼlumotlariga koʻra, AQSh va Eron rasmiylari ehtimoliy memorandumni virtual imzolashga hozirlik koʻrmoqda Manbalarga ko‘ra, elektron imzo varianti so‘nggi lahzada yuzaga kelishi mumkin bo‘lgan to‘siqlardan qochish va erishilgan kelishuvni tezroq rasmiylashtirishga qaratilgan. Ushbu formatni tanlash xavfsizlik va logistika masalalari bilan ham bog'liq Maʼlumotlarga koʻra, AQSh prezidenti Donald Tramp Eron bilan kelishuv tez orada imzolanishi mumkinligini aytgan. Pokiston Bosh vaziri Shahboz Sharif ham tomonlar tinchlik kelishuvi boʻyicha doiraviy kelishuvga erishgani va elektron imzoning kelasi 24 soat ichida amalga oshirilishi mumkinligini maʼlum qildi Biroq Eron tomoni imzolash vaqtiga ehtiyotkorona munosabatda. Eron Tashqi ishlar vazirligi matbuot kotibi Ismoil Bag'ay, yakuniy qaror hali qabul qilinmaganini ma'lum qildi va kelishuv sanasi haqida shoshqaloq bayonotlar bermaslikka chaqirdi Qayd etilishicha, tomonlar o‘rtasida erishiladigan memorandumning asosiy maqsadi AQSh va Eron o‘rtasidagi keskinlikni pasaytirish, Hurmuz bo‘g‘ozida yuk tashish xavfsizligini tiklash va Eron yadro dasturi bo‘yicha kengroq muzokaralar olib borish uchun zamin yaratishdan iborat Shu bilan birga, Eron ichidagi qat’iy kuchlar kelishuvga e’tiroz bildirgani xabar qilinadi. Mutaxassislarning fikricha, tomonlar kelishuvga yaqin bo‘lsalar-da, yakuniy hujjatni imzolash uchun muayyan siyosiy to‘siqlar saqlanib qolmoqda