Hindistan Hytaý serhediniň golaýynda strategiki tuneliň gurluşygyny tamamlaýar

Şu gün Hindistan Gimalaý daglarynyň aşagyndan geçýän we jedelli Kaşmir sebitini Hytaý serhedindäki Ladakh bilen birleşdirjek strategiki taýdan möhüm ýol tuneliniň gazuw-agtaryş işlerini resmi taýdan tamamlady AFP habar gullugynyň habaryna görä, uzynlygy 13 kilometrden gowrak bolan Zojila tuneliniň bahasy takmynan 712 million dollar diýlip çaklanylýar. Tunel, gyş aýlarynda güýçli gar sebäpli bar bolan marşrut transport üçin ýapyk bolanda iki sebitiň arasynda ulag geçmäge mümkinçilik berer Hindistanda gurlan iň uzyn ýol tuneli bolan taslama 3 müňden gowrak işçi gatnaşdy. Tuneliň 2028-nji ýylda ulag üçin açylmagy meýilleşdirilýär Ulag ministri Nitin Gadkari şu gün geçirilen dabarada eden çykyşynda "Bu diňe bir tunel däl, eýsem möhüm baglanyşyk liniýasydyr" -diýdi Uzynlygy takmynan 3500 kilometre barabar jedelli Hindistan-Hytaý serhedinde wagtal-wagtal dartgynlyk ýüze çykýar. Dünýäde iň köp ilatly iki ýurt bolan Hindistan bilen Hytaý Aziýada täsir ugrundaky göreşde biri-biri bilen ýüzbe-ýüz bolýarlar 2020-nji ýylda Gimalaý daglarynda iki ýurduň arasyndaky ganly serhet çaknyşygynda 20 hindi we 4 hytaý esgeri öldi Beýleki tarapdan, ilatynyň aglaba bölegi musulman bolan Kaşmir sebiti, 1947-nji ýylda garaşsyzlyk alandan soň Hindistan bilen Päkistanyň arasynda paýlaşylaly bäri iki ýurduň arasyndaky düşünişmezligiň esasy ugurlaryndan biri bolmagyny dowam etdirýär Zojila tuneli tamamlanandan soň, Kaşmirde takmynan 500 müň esger ýerleşdiren hindi goşuny bu sebit geçen ýyl işe girizilen 272 kilometrlik demirýol liniýasyna birikdirilenden soň Hytaý serhedindäki Ladakha has çalt harby ýük iberip biler