HPG: Hormuz bogazy açylandan soň global üpjünçiligiň öňki derejelere gaýdyp gelmegi üçin wagt gerek bolar

Hormuz bogazyndan yzygiderli ýük daşamak akymlary dikeldilenden soň hem zerur harytlaryň global üpjünçiliginiň konfliktden öňki derejelerine dolanmagy üçin wagt gerek bolar "Hasabat" munuň 13-nji aprelde Halkara Energetika Guramasynyň (IEA), Halkara Walýuta Gaznasynyň (HPG) we Bütindünýä Bank Toparynyň (WBG) ýolbaşçylarynyň arasynda geçirilen ýygnagyň netijeleri baradaky beýanynda nygtalýandygyny habar berýär Hormuz bogazyndan ulaglaryň kadaly ýagdaýa gelmändigini bellän beýannama, infrastruktura zeper ýetmegi sebäpli ýangyç we dökün bahalarynyň uzak wagtlap ýokary bolup biljekdigini çaklady "Bogazdan yzygiderli ýük daşamak akymlary dikeldilenden soň hem zerur harytlaryň global üpjünçiliginiň çaknyşykdan öňki derejesine gaýdyp gelmegi üçin wagt gerek bolar. Üpjünçiligiň kesilmegi sebäpli möhüm çeşmeleriň ýetmezçiliginiň energiýa, azyk we beýleki pudaklara täsir etmegine garaşylýar" -diýdi Şeýle hem häzirki ýagdaýdan köp ejir çeken ýurtlaryň ýagdaýynyň, şeýle hem edaralaryň jogap çäreleri ara alnyp maslahatlaşylandygy nygtaldy: "Toparlarymyz, şeýle hem degişli tejribämizi ulanmak we zerur bolan halatynda HPG we Bütindünýä bankynyň ýörite syýasaty we maliýe goldawy arkaly kömek etmek üçin ýurt derejesinde ýakyndan işleýärler." Ondan öň, 8-nji aprelde HPG-nyň, Bütindünýä Azyk Maksatnamasynyň (WFP) ýolbaşçylarynyň arasynda ýygnak geçirildi we Eastakyn Gündogardaky urşuň dünýä ykdysadyýetine we azyk howpsuzlygyna täsiri ara alnyp maslahatlaşyldy Ulanylanda saýtdaky materiallara ýüzlenmek möhümdir. Web sahypalarynda maglumat ulanylanda, giperlink bilen salgylanmak hökmanydyr