Бишкек-Балыкчы ортосунда жүргүнчүлөрдү ташуучу поезд кайра иштей баштады (учурдагы график)

Бүгүн, 5-июнда Бишкек – Балыкчы, пляж – Бишкек багытындагы No608/609 жүргүнчү поезди ишин улантты. Поезд Бишкек-2 темир жол станциясынан саат 08:06да чыгып, Балыкчыга саат 12:37де жетип, жүргүнчүлөрдү Ысык-Көлдүн жээгине жеткирген. Бул тууралуу “Кыргыз темир жолу” УК” мамлекеттик ишканасынын басма сөз кызматы билдирди Бишкек-2 темир жол бекетинде алгачкы жүргүнчүлөрдү салтанаттуу узатып, Балыкчыда салтанаттуу тосуп алышты Быйыл Бишкек-Балыкчы поездине кошумча эки модернизацияланган кымбат баалуу вагондор кирди. Ошентип, азыркы поезд 14 вагондон турат, анын ичинен алтоо аймактар аралык стандарттуу вагондор, сегизи кымбат баалуу вагондор. Жүргүнчүлөрдүн агымынын көбөйүшүнө жараша кошумча аймактар аралык вагондор кошулат Бишкек - Балыкчы жүргүнчүлөр поездинин графиги: 5-июндан 21-июнга чейин - поезд жума, ишемби жана жекшемби күндөрү жүрөт; 26-июндан 13-сентябрга чейин - күн сайын. Сүрөт «Кыргыз темир жолу» УК» мамлекеттик ишканасынын басма сөз кызматы 5-июндан 21-июнга чейин - поезд жума, ишемби жана жекшемби күндөрү жүрөт; 26-июндан 13-сентябрга чейин - күн сайын. Сүрөт «Кыргыз темир жолу» УК» мамлекеттик ишканасынын басма сөз кызматы