Жогорку Кеңеш Кыргызстанда порносайттарга бөгөт коюлганына ишендирди -

Кыргызстанда порнографиялык сайттарга бөгөт коюлуп, аларга кирүү өтө кыйын. Бул тууралуу Жогорку Кеңештин Илим, билим, инновациялык өнүгүү жана маалыматтык технологиялар, маданият, дене тарбия жана спорт боюнча комитетинин жыйынында санариптик далилдерди киргизүү боюнча мыйзам долбоорун иштеп чыгуу боюнча жумушчу топтун мүчөсү, эксперт Марат Төрөбеков билдирди Жыйында маселени депутат Салтанат Аманова көтөрдү. Ал азыр уюлдук телефондордо порнографиялык жарнамалар көп пайда болуп жатканын белгилеп, тиешелүү органдардын мындай мазмунга бөгөт коюуга техникалык мүмкүнчүлүктөрү жетеби деп сурады Марат Төрөбеков 2025-жылдан тарта өлкөдөгү бардык интернет-провайдерлер мындай ресурстарга бөгөт коёт деп жооп берди. Алар 24/7 көзөмөлдөп, тез арада жаңы пайда болгон сайттарды тыюу салынган тизмеге кошушат. Азыр аларды Кыргызстанда ачуу өтө кыйын, деп баса белгиледи эксперт Марат Төрөбеков калкыма жарнамаларды бөгөттөө технологиялык жактан алда канча татаал экенин мойнуна алды. Ал бөгөттөө коюлганда да, чектөөлөрдү айланып өтүүгө мүмкүндүк берген VPN технологиялары бар экенин түшүндүрдү Анын айтымында, Кыргызстан эле эмес, дүйнөнүн алдыңкы өнүккөн өлкөлөрү дагы VPNге толук туруштук бере ала турган технологияны түзө элек. Эксперт кошумчалагандай, интернетке эң катуу чектөөлөр киргизилген Кытайда да колдонуучулар VPN аркылуу ресурстарга кире беришет