Трамп: Иран өзөктүк куралдан баш тартууга макул болду

АКШнын президенти Дональд Трамп Иран менен сүйлөшүүлөр “абдан жакшы” деп билдирди. Анын айтымында, Иран өзөктүк куралынан баш тартат. "Акыркы 24 сааттын ичинде биз абдан жакшы сүйлөшүүлөрдү жүргүздүк жана биз келишимге жетишебиз... Ирандын өзөктүк куралы болушу мүмкүн эмес. Алар буга макул болушту". Бул тууралуу АКШнын президенти Дональд Трамп Овал кабинетинде журналисттерге билдирди, деп маалымдайт Modern.az чет элдик маалымат каражаттарына шилтеме берип. Ал белгилегендей, келишимдин мөөнөтү белгилене элек "Axios" порталы АКШ менен Иран жаңжалды токтотуу боюнча меморандумга кол коюуга аз калганын билдирди. Бул документ чыр-чатакты тынчтык жолу менен жөнгө салуу үчүн негиз болот. Басылманын булактарынын айтымында, АКШ тарап Ирандан 48 сааттын ичинде жооп күтүүдө. “Аль-Арабия” телеканалы Вашингтон менен Тегеран келишимдин көпчүлүк жоболоруна макул экенин билдирди. Ирандын Тышкы иштер министрлигинин басма сөз катчысы Исмаил Багаи Иран дагы эле АКШнын сунуштарын карап жатканын жана жообун Пакистан тарапка кийинчерээк берерин билдирди