Төрага Марлен Маматалиев парламенттин мурдагы төрагалары менен жолугушту

Жогорку Кеңештин төрагасы Марлен Маматалиев Кыргызстандын парламентин ар кайсы жылдарда жетектеген төрагалар менен жолугушту. Бул тууралуу Жогорку Кеңештин басма сөз кызматы билдирди Жолугушуу бүгүн, 6-июнда болду Басма сөз кызматы билдиргендей, Марлен Маматалиев жыйындын катышуучуларына Жогорку Кеңеште жүргүзүлүп жаткан реформалар тууралуу айтып берди. Ал санариптештирүү маселелерине, ошондой эле парламенттин узак мөөнөттүү келечектеги стратегиялык максаттарына жана милдеттерине өзгөчө көңүл бурду Экс-спикерлер Жогорку Кеңештеги трансформацияларга оң баа беришти. Ошондой эле президент Садыр Жапаровдун жетекчилиги астында өлкөдө жүргүзүлүп жаткан реформалардын жыйынтыгын белгилешти Жолугушуунун катышуучулары акыркы жылдары Кыргызстан экономиканы, мамлекеттик башкарууну жана эл аралык кызматташтыкты камтыган негизги тармактарда туруктуу өнүгүү динамикасын көрсөткөнүн белгилешти Өлкөнүн эл аралык аренадагы жетишкендиктери, анын ичинде Кыргызстандын бир нече жылдар бою БУУнун Коопсуздук Кеңешинин туруктуу эмес мүчөсү болуп шайлануусу өз алдынча талкууланды Жолугушуунун катышуучулары ошондой эле кыргыз элинин маданий мурастарын илгерилетүү жана эл аралык гуманитардык байланыштарды чыңдоо аянтчасы катары келе жаткан Шанхай кызматташтык уюмунун саммитинин жана Дүйнөлүк көчмөндөр оюндарынын маанилүүлүгүн белгилешти Марлен Маматалиев Жогорку Кеңештин мурдагы төрагаларына парламентаризмди өнүктүрүүгө жана мыйзам чыгаруу ишмердүүлүгүн жакшыртууга кошкон салымы үчүн төш белгилерди тапшырды Жолугушуунун катышуучулары жүргүзүлүп жаткан жана пландаштырылып жаткан реформаларды колдоорун айтып, төрагага парламенттин мындан аркы ишмердүүлүгүнө ийгиликтерди каалашты