Ташкентте C5+1 алкагында Борбор Азия жана АКШнын Маданият министрлеринин жолугушуусу өттү

2026-жылдын 5-июнунда Ташкентте JW Marriott мейманканасында С5+1 форматында Борбордук Азия өлкөлөрүнүн жана Америка Кошмо Штаттарынын маданият министрлеринин жолугушуусу болуп өттү. Бул тууралуу Түркмөнстандын Тышкы иштер министрлиги билдирди Жолугушуу 2025-жылдын ноябрында Вашингтондо өткөн С5+1 Саммитинин жүрүшүндө жетишилген макулдашуулардын уландысы болуп, анын жыйынтыгында маданий мурастарды сактоо боюнча биргелешкен ниеттер жөнүндө билдирүү кабыл алынган Талкуунун жүрүшүндө катышуучулар маданий мурастарды коргоо, изилдөө жана жайылтуу боюнча мындан аркы кызматташуунун практикалык жолдорун карап чыгышты. Өзгөчө көңүл музейлердин, илимий мекемелердин жана адистештирилген уюмдардын ортосунда биргелешкен демилгелерди өнүктүрүүгө, ошондой эле профессионалдык алмашууну кеңейтүүгө жана маданият тармагындагы эксперттердин потенциалын жогорулатууга багытталган Күн тартибинде ошондой эле маданият тармагында заманбап технологияларды колдонуу, анын ичинде тарыхый-маданий объектилерди санариптештирүү жана аларды изилдөөгө, документтештирүүгө, сактоого жана коомчулукка жеткиликтүүлүккө инновациялык ыкмаларды киргизүү маселелери талкууланды Жыйында сөз сүйлөгөн Түркмөнстандын маданият министринин орун басары Г.Мурадалиев Борбордук Азия өлкөлөрү менен Америка Кошмо Штаттарынын ортосундагы өз ара ишенимди бекемдөө жана конструктивдүү диалогду өнүктүрүү үчүн негизги курал катары маданий кызматташтыктын маанилүүлүгүн белгиледи Ал Түркмөнстандын маданий мурас эстеликтерин реставрациялоо, изилдөө жана сактоо боюнча эл аралык өнөктөштөр менен кызматташуу тажрыйбасын, ошондой эле АКШнын Маданий мурастарды сактоо боюнча элчилер фонду тарабынан колдоого алынган биргелешкен долбоорлорду ийгиликтүү ишке ашырууну баса белгиледи Катышуучулар С5+1 алкагындагы маданий диалогду мындан ары өнүктүрүү гуманитардык байланыштарды чыңдоого, профессионалдык кызматташтыкты арттырууга жана катышуучу өлкөлөрдүн элдеринин ортосундагы терең өз ара түшүнүшүүгө өбөлгө болоруна ишеним билдиришти