Бүтүрүүчүлөрдү жумушка алган ишкерлерге салык жеңилдиктери берилет

Өзбекстанда ЖОЖдун бүтүрүүчүлөрүн жумушка алган ишкерлер киреше салыгын жана жаш адистерге бир жыл ичинде 1% өлчөмүндө социалдык салык төлөшөт. Бул тууралуу президент Шавкат Мирзиёев бүгүн, 30-июнда жаштар менен жолугушуу учурунда билдирди Ошондой эле, учурда Социалдык реестрге кирбей калган, бирок ата-энесинин камкордугунан ажыраган, аскердик кызматтан кайтып келген, эмгек миграциясынан кайтып келген, жаза мөөнөтүн өтөп келген же ден соолугунун мүмкүнчүлүгү чектелген дагы 1 миллион жаштар бар экени айтылды. Аларды колдоо үчүн “Кепилденген биринчи кадам” пакети киргизилет Бул пакеттин алкагында уюшулбаган жаштарды “насаатчы-студент” программасы боюнча окутуп, ЖОЖдорго тапшырууга жардам берген студенттер магистратурага тапшырууда кошумча упай алышат жана мамлекеттик стипендияларды алууда артыкчылыкка ээ болушат Президент соода, тейлөө жана өндүрүш тармагында өз брендин жараткан жаш ишкерлерди теңтуштарына бизнести кантип жүргүзүүнү үйрөтүүгө чакырды. Бул максатта Жаштардын мини-франчайзинг программасы ишке киргизилет Программанын алкагында ишмердүүлүгүн кеңейтип жаткан жаш ишкерлерге жер тилкелери жана жеңилдетилген шартта насыялар бөлүнөт. Жергиликтүү бренддердин франшизаларын алган улан-кыздарга Жаштардын ишкердик фондунан 300 миллион сомго чейин пайызсыз насыялар берилет Бул программаларды каржылоого 500 миллиард сом бөлүнөөрү жарыяланды Буга чейин Өзбекстанда кесип үйрөнүп жаткан жаштарга пайызсыз насыя түрүндө кесипкөй жолдомолор берилери айтылган