Шавкат Мирзиёев ата-энелерге кайрылуу жасады

Азыркы өтө назик жана тез өзгөрүп жаткан чөйрөдө ата-энелер балдарын тарбиялоодо мурдагыдан да кылдат жана жоопкерчиликтүү болушу керек. Бул тууралуу президент Шавкат Мирзиёев бүгүн, 30-июнда жаштар менен жолугушууда билдирди Баңги каражаттары жана психотроптук заттар менен байланышкан кылмыштар улуттун генофондуна олуттуу коркунуч келтирип жатканы белгиленди. Мындай кылмыштардын үчтөн бир бөлүгү жаштар тарабынан жасалып жатканы өзгөчө кооптондурат Ошондуктан Өзбекстанда баңгичиликке жана баңги кылмыштарына каршы күрөш бүткүл элдик кыймылга айландырылып, бардык күчтөр жана каражаттар мобилизацияланууда Бул кылмыштар үчүн жоопкерчиликти кескин катаалдаштырган мыйзам жакында кабыл алынды «Биз жаштарыбыздын арасында бул жамандыктын тамыр жайышына эч качан жол бербейбиз, аны толугу менен жок кылмайынча токтобойбуз Наркомания адамды эң баалуу байлыктарынан — ден соолугунан, акылынан, эркинен, кыялдарынан жана максаттарынан ажыратат Эсиңизде болсун! Өмүр адамга бир гана жолу берилет. Мындай жамандыктарга ымырасыз болуп, өмүрүңүздүн ар бир мүнөтүн жакшы иштерге арнаңыз», - деди президент жаштарга кайрылып Мамлекет башчы ошондой эле ата-энелерге кайрылып, балдар үй-бүлөдө өсүп-жетилерин, алардын жаркын келечегинин бекем пайдубалын биринчи кезекте ата-энелер түзөөрүн баса белгиледи. Ал аларды азыркы өтө назик жана тез өзгөрүп жаткан чөйрөдө балдарын тарбиялоодо болуп көрбөгөндөй кунт коюп, жоопкерчиликтүү болууга чакырды