Кыргызстандын сот системасы санариптик технологияларды колдонууну күчөтүүдө

Сот системасы санариптик трансформациялоо иш-чараларын улантууда, анын түпкү максаты толук кандуу электрондук сот адилеттигине өтүү жана жарандардын сот бийлигине болгон ишенимин бекемдөө болуп саналат, деп билдирди КР Жогорку сотунун басма сөз кызматы Ошентип, Биринчи Май райондук сотунда онлайн көрсөтүү менен катар эки иш боюнча видеоконференция (ВКБ) отурумдары уюштурулган. Ушундай эле формат Ленин райондук сотунда да колдонулган. Видеоконференцбайланышты колдонуу процесстин катышуучуларына сот залына жеке баруунун зарылдыгы жок, соттук отурумдарга алыстан катышууга мүмкүндүк берди Бул өзгөчө кылмыш иштерине тиешелүү: айыпталуучуларды СИЗОдон которуу, күбөлөрдүн жана эксперттердин катышуусу – мунун баары олуттуу убакытты жана ресурстук чыгымдарды талап кылат. Видео байланышты колдонуу ишти кароого кеткен убакытты кыскартат, транспорттук жана уюштуруучулук чыгымдарды азайтып, процессти жеткиликтүү жана үнөмдүү кылат. Процесстин катышуучулары үчүн бул ыңгайлуулукту жана коопсуздукту, мамлекет үчүн – чыгымдарды оптималдаштырууну, ал эми коом үчүн – сот өндүрүшүнүн натыйжалуулугун жогорулатууну билдирет