Нарын жана Ысык-Кел райондорунда жааган кардын кесепетинен мал чыгашага учура-

Нарын облусунун Ат-Башы районунда жана Ысык-Көл облусунун Жети-Өгүз районунда аба ырайынын кескин начарлашынан жана калың жааган кардан кийин майда жандыктардын өлүмү катталды Суу чарба, айыл чарба жана кайра иштетүү өнөр жай министрлигинин басма сөз кызматы билдиргендей, малдын өлүмү жугуштуу оорулар менен байланышпайт Негизги себеп капыстан суук болду. Алдын ала маалыматтарга караганда, койлордун бир бөлүгү кыркылгандан кийин бийик тоолуу жайыттарга айдалып, ал жердеги мал төмөнкү температурага туруштук бере албай калган Малчыларды колдоо үчүн жергиликтүү бийлик алдын ала тоюттун керектүү запасын даярдашкан. Өзгөчө кырдаалдар министрлигинин кызматкерлеринин жардамы менен алыскы жайыттарга чөп жана башка тоюттарды жеткирүү үзгүлтүксүз жүргүзүлдү Ветеринария, мал чарба, жайыттарды жана тоюттарды өнүктүрүү кызматы эпизоотиялык абал туруктуу экенин жана мал арасында жугуштуу оорулардын таралуу коркунучу жок экенин белгиледи Азыр Жети-Өгүз районунун Сырт зонасында аба ырайы кадимкидей калыбына келип, жааган карлар толук эрип бүттү. Өлгөн малдын өлүктөрү тоют жеткирүү үчүн колдонулган унаалар менен калктуу пункттарга жеткирилет. Андан кийин алар ветеринардык-санитардык талаптарга ылайык утилизацияланат Кырдаал тиешелүү мамлекеттик органдардын туруктуу көзөмөлүндө. Жайыттагы чабандарга керектүү жардамдар көрсөтүлүп, ветеринардык адистер малдын абалына көз салып, профилактикалык иштерди улантууда