Өзбекстан ишкер Агаларов кура турган Sea Breeze эс алуу жайынын курулушунун биринчи этабын бекитти

Өзбекстандын Мамлекеттик экологиялык-эксперттик борбору Ташкенттин жанындагы Чарвак суу сактагычында Sea Breeze деңиз жээгиндеги курорттук долбоордун биринчи этабын жактырды – айрым каршылыктарга жана милдеттүү шарттарды аткаруу талабына карабастан. Экологдордун корутундусу 2026-жылдын 10-февралында чыгарылган жана 2029-жылдын 10-февралына чейин жарактуу “Sea Breeze Uzbekistan” долбоорунун артында Азербайжандын президенти Илхам Алиевдин мурдагы күйөө баласы, азербайжан-орус ишкер Эмин Агаларов турат. 2024-жылдын декабрь айында ал Өзбекстандын президенти Шавкат Мирзиёевге Чарвактагы эс алуу жайларынын, пляждардын, спорт аянтчаларынын, мейманканаларынын, коттедждеринин жана турак жай комплекстеринин макеттери менен тааныштырган Курорт план боюнча Чарвак суу сактагычынын чыгыш жээгинде Бостанлык районунун Яккатут жана Боладала айылдарынын ортосундагы 577 гектарга жакын аянтка жайгаштырылат. Комплекстүү аймак болжол менен 7 км жээк сызыгын камтыйт. Комплексте мейманканалар жана батирлер, коомдук борбор жана пляж зонасы, курорттук мейманканалар, бутик-отельдер, турак-жай имараттары, виллалар, MICE борбору (Жолугушуулар, стимулдар, конференциялар, көргөзмөлөр), 2000 көрүүчүгө чейин амфитеатры бар спорттук-оюн-зоок кластери, ошондой эле медициналык кластер кирет Долбоорду этап менен 10 жылдын ичинде (2035-жылга чейин) ишке ашыруу пландалууда. Экологдор жактырган биринчи этап 100 гектарга жакын аянтты ээлейт Бирок долбоор жактырылганына карабастан, экология боюнча эксперттердин корутундусунда курорттун медициналык кластеринде санитардык-экологиялык режимди күчөтүү жана бүтүндөй комплекстин саркындыларына жана саркынды сууларына катуу көзөмөл жүргүзүү зарылчылыгы баса белгиленет. Документте суу сактагычтын чыгыш жээгиндеги курорт үчүн зарыл инженердик инфраструктуранын жоктугу белгиленет: Боладала менен Яккатутта борборлоштурулган канализация жана тазалоочу курулмалар жөн эле жок. Буга байланыштуу экологдор курорттук долбоорду ишке ашыруунун зарыл шарты катары Чарвактын бүткүл чыгыш жээгине канализациялык инфраструктураны курууну эсептешет Ошондой эле Агаларов курорт курганы жаткан аймак татаал тоолуу рельефи, эрозия жана геодинамикалык кооптуулугу жогору, ошондой эле Ташкенттин төрт миллиондон ашык жашоочусун ичүүчү суунун негизги булагы болгон суу сактагычка жакын жайгашкандыктан экологиялык жактан алсыз аймак деп эсептелет Экологдор долбоордук документтерде унаалардан чыккан газдардын болжолдуу эсеби жок экенин өзүнчө жазышат: курортко күнүнө 10 миңге чейин адам келет, ал эми тейлөө кызматкерлеринин саны болжол менен 7 миң адамды түзөт деп күтүлүүдө Буга чейин “Азаттык” радиосунун өзбек редакциясынын журналисттери курорттун курулушуна жакын жерде 20-кылымдын орто ченинде “Союзмышяк” заводунун калдыктары сакталган пестициддерди сактоочу кооптуу кампа болгон “мышьяк көмүлгөн жер” бар экенин билдиришкен. Бирок өзбек бийликтери көмүлгөн жер тууралуу маалыматты «ишенимсиз» деп атап, экологдордун корутундусунда да бул темада эч нерсе жок Azattyk Asia © 2026 RFE/RL, Inc. | Бардык укуктар корголгон