Сеулдан Цюрихке учкан учак Алматы аэропортуна чукул конду

Swiss Air компаниясынын учагы Алматы эл аралык аэропортуна авариялык конгондугун аэропорттун маалымат кызматы билдирди "6-майда саат 12:48де Сеулдан Цюрихке учуп келе жаткан Swiss Air компаниясынын Airbus A350 учагы Алматы аэропортуна чукул конууга мажбур болгон. Конууга экинчи учкучтун курч курсак синдрому менен ооруп, ден соолугунун начарлашы себеп болгон", — деп айтылат маалыматта Конгон маалда аэропорттун медициналык кызматы учакты күтүп турушкан. Адистер учкучка биринчи медициналык жардам көрсөтүп, андан соң бейтап келген шаардык тез жардам бригадасына өткөрүлүп берилди «Керектүү текшерүүдөн өтүү жана андан ары дарылоо үчүн учкуч №4 шаардык ооруканага жеткирилди», — деп билдирди аэропорттон Буга чейин бул учак Казакстандын аба мейкиндигинде авариялык сигнал бергени тууралуу маалымат пайда болгон Эгерде сиз текстте ката тапсаңыз, аны чычкан менен белгилеп, Ctrl+Enter баскычтарын басыңыз Смартфонуңуздагы текстте ката тапсаңыз, аны белгилеп, "Ката жөнүндө кабарлоо" баскычын басыңыз