Салян менен Габаладагы жер тилкелери бириктирилет

Азербайжанда жер тилкелерин унификациялоо боюнча пилоттук долбоор башталат. Долбоордун алкагында Салян жана Габала райондорунда жерлерди ирилештирүү иштери жүргүзүлүп, ошол эле учурда жаңы сугат тармактары курулат. Бул тууралуу бүгүн Агрардык илимий борбордун директору Рашад Гусейнов «Азербайжан Республикасында айыл чарба, балык чарба жана аквакультура продукциясын өндүрүүнү жана кайра иштетүүнү өнүктүрүү боюнча мамлекеттик программа» Милл Межлистин агрардык саясат комитетинин милдеттери тууралуу коомдук угууда билдирди. Борбордун директору Мамлекеттик программанын алкагында жер-суу ресурстарын натыйжалуу пайдалануу максатында пилоттук консолидациялоо долбоору пландалып жатканын билдирди. Максатка ылайык, 2030-жылга чейин 20 миң гектар аянттагы жерлерди ирилештирүү жана ирригациялык тармактарды жаңылоо пландаштырылууда. Долбоордун биринчи этабында Салян жана Габала облустарында 32 айылды камтыган пилоттук программа ишке ашырылат. Р.Гусейнов белгилегендей, программанын алкагында тиешелүү мыйзамдык база түзүлүп, бөлүнгөн жер тилкелери бириктирилип, кадастрдык карталар жаңыланат. Мындан тышкары 20 миң гектар аянтка чарба ичиндеги сугат тармактарын куруу пландаштырылууда