Саида Мирзиёева Парижде Макрон менен жолугушту

Өзбекстандын президентинин администрация башчысы Саида Мирзиёеваны Франциянын президенти Эммануэль Макрон кабыл алды. Бул тууралуу Саида Мирзиёева өзүнүн Telegram каналында билдирди "Франциянын президенти Эммануэль Макронго көңүл бургандыгы жана жылуу кабыл алуусу үчүн ыраазычылык билдирем. Жолугушууда мен Өзбекстандын президентинин чын жүрөктөн каалоо-тилектерин айттым", - деди Өзбекстандын президентинин администрация башчысы Ал ошондой эле эки өлкөнү эң маанилүү стратегиялык багыттар боюнча узак мөөнөттүү өнөктөштүк мамилелер байланыштырып турганын белгиледи. Ошол эле учурда Саида Мирзиёева келечекте эки өлкөгө пайдалуу дагы көптөгөн демилгелер жана биргелешкен долбоорлор ишке ашарына ишенимин билдирди Буга чейин Саида Мирзиёева Францияга иш сапары менен барып, Франциянын Европа жана тышкы иштер министри Жан-Ноэль Барро менен жолугушканы маалымдалган