Орусия менен Кытай Ормуз кысыгындагы резолюцияга вето коюшту

Шейшембиде Орусия менен Кытай БУУнун Коопсуздук Кеңешинин Жакынкы Чыгыштагы согуш маалында Ормуз кысыгындагы коммерциялык кемелерди коргоого багытталган резолюция долбооруна вето коюшту. Бахрейн сунуштаган документтин долбоорун он бир өлкө колдоп добуш берди. Коопсуздук кеңешинин дагы эки мүчөсү (Пакистан жана Колумбия) добуш берүүдөн баш тартышты Долбоорго ылайык, жабыркаган мамлекеттерден деңиз коопсуздугун камсыз кылуу үчүн коргонуу чараларын координациялоосу, ал эми Ирандан Ормуз кысыгындагы соода кемелерине кол салууларды токтотуусу талап кылынган Токтом долбоору добуш берүүгө коюлганга чейин бир катар өзгөртүүлөргө дуушар болгон. Документтин мурунку версиясында БУУнун Уставынын VII главасы ачык айтылган, ал Коопсуздук Кеңешине санкциялардан баштап, аскердик күч колдонууга чейинки чараларды көрүүгө ыйгарым укуктарды берет Орусиянын тышкы иштер министри Сергей Лавров өткөн жумада жума күнү резолюциянын кабыл алынышы ирандык жөнгө салуу боюнча сүйлөшүүлөрдүн үзгүлтүккө учурашына алып келиши мүмкүн же Иранга каршы аскерий аракеттерди мыйзамдаштырат деп билдирди Бахрейндин тышкы иштер министри Абдель Латиф Ал-Заяни Коопсуздук Кеңешинде добуш берүү алдында бул долбоор Ирандын кайталанган кастык аракеттерине олуттуу жооп экенин, муну токтотуу керектигин айтты. Министр ошондой эле Коопсуздук Кеңешинин өтө маанилүү суу жолун рычаг катары колдонууга жооп кайтарбашы бүткүл дүйнө үчүн олуттуу кесепеттерге алып келерин айтты Дүйнөлүк мунай жана газ экспортунун бештен бир бөлүгүн түзгөн Ормуз кысыгы аркылуу жүк ташуу иш жүзүндө токтоп калды. Блокада дүйнө жүзү боюнча күйүүчү майдын баасынын кескин жогорулашына алып келди жана кээ бир өлкөлөрдү, айрыкча Азияны керектөө чектөөлөрүн жана рационду камсыздоону киргизүүгө мажбур кылды, деп билдирди DPA Израил менен АКШ 28-февралдан бери Иранга сокку урууда.АКШнын президенти Дональд Трамп Ирандын өзөктүк куралдын ээси болуп калбашын операциянын негизги максаты деп атады. Согуштук аракеттер башталгандан кийин Иран Американын базаларына жана Вашингтондун Перс булуңундагы өнөктөштөрүнүн инфраструктурасына сокку уруу менен жооп кайтарды Azattyk Asia © 2026 RFE/RL, Inc. | Бардык укуктар корголгон